Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elmıra Syzdyqovaǵa Tokıo Olımpıadasynda psıhologııalyq kómek kórsetildi me

2021 jyldyń 2 tamyz 2021 21:13

NUR-SULTAN. QazAqparat - Qazaqstan erkin, grek-rım jáne áıelder kúresi federatsııasynyń vıtse-prezıdenti Gıýzel Manıýrova Tokıo Olımpıadasynda kúresshi Elmıra Syzdyqovaǵa psıhologııalyq kómek kórsetý týraly suraqtarǵa jaýap berdi, dep habarlaıdy QazAqparat tilshisi.

«Árıne. Ol – óte tájirıbeli sportshy, ol Olımpıada oıyndaryna qalaı daıyndalý kerektigin biledi. Psıhologııalyq turǵyda da qalaı qabyldaýdy biledi. Bul úshin komandadaǵy psıholog onymen birge jumys isteıdi, psıhologııalyq qoldaý kórsetetin jeke jattyqtyrýshysy bardy, men barmyn. Keıde olar ázildesip, kóńilin aýlaýǵa tyrysady. Psıhologııalyq turǵydan Elmıra – turaqty sportshy», - dep jaýap berdi G. Manıýrova Ortalyq kommýnıkatsııalar qyzmetinde.

Buǵan deıin spıker Elmıra Syzdyqovanyń jeńilýine ne kedergi bolǵanyn aıtqan edi. Birneshe aı buryn Almatyda ótken Azııa chempıonatynda qyrǵyz sportshysyn jeńgenin eske saldy.

«Sonda bárimiz qýanǵan edik. Bálkim sol jeńis áserin tıgizgen shyǵar. Elmıra qyrǵyz sportshysyn jete baǵalamaǵan shyǵar. Keıde Olımpıada aldyndaǵy jeńilis jeńisten góri kóbirek paıda ákeledi. Ol taktıkalyq turǵyda óte jaqsy daıyndaldy. Elmıra is júzinde oǵan eshteńe jasaı almady. Tamaqtaný, rejım jáne salmaq bári ornynda edi. Elmıra – kún tártibin saqtaıtyn jınaqy sportshy. Ol jaýapkershilikti, saıystyń qandaı mańyzdy ekenin túsinedi. Ol jarysqa maqsatty túrde daıyndaldy, qolynan kelgenniń bárin jasady, biraq jeńiske jetpedi. Odan keıin de qyrǵyz chempıony Rıo-de-Janeıro Olımpıadasyndaǵy chempıondy da ońaı jeńdi. Elmıra da, reseılik sportshy Natalıa Vorobeva da 68 keliden 76 kelige deıingi salmaq dárejesine aýysty. Meniń oıymsha, salmaqtaǵy fızıkanyń jetispeýshiligi de áser etti. Fızıkalyq turǵydan jetispeýshilik baıqaldy», - dedi Gıýzel Manıýrova.

Aıta keteıik, Elmıra Syzdyqova Tokıodaǵy alǵashqy aınalymda qyrǵyzstandyq Aıperi Medetqyzynan 8:1 esebimen jeńildi. Qyrǵyzstandyq Aıperi Medetqyzy fınalǵa shyqqan jaǵdaıda Qazaqstan sportshysy Elmıra Syzdyqova jubanysh beldesýinde kúresýge múmkindik alady.


Avtor Aıjan Serikjanqyzy
Basty sózder: Qoǵam, Olımpıada, Sport,
Joǵary qaraı