Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Elbrýsta mert bolǵan alpınısterdiń sany bes adamǵa jetti

2021 jyldyń 24 qyrkúıek 2021 07:43

NALЬChIK. TASS-QazAqparat - 23 qyrkúıek kúni keshkisin Elbrýsta kómek suraǵan alpınıster tobynyń bes múshesi qaıtys boldy. Bul týraly RF TJM Kabardıno-Balkarııa boıynsha bas basqarmasynyń bastyǵy Mıhaıl Nadejın málim etti, dep habarlaıdy QazAqparat TASS-qa silteme jasap.

«Ókinishke qaraı, bes adamnyń máıiti tabyldy», - dedi agenttik derekkózi.

Sondaı-aq, ol izdeý-qutqarý jumystaryn júrgizý barysynda 14 adamdy tómenge alyp túsip, dárigerlerge bergenderin atap ótti.

«Barlyq 14 adam apat medıtsınasy jáne jedel medıtsınalyq járdem dárigerlerine berildi. Onyń ishinde 11-i Nalchık qalasyndaǵy respýblıkalyq klınıkalyq aýrýhanaǵa jetkizildi. Úsh adam aýrýhanaǵa jatýdan bas tartty», - dedi ol.

«Qutqarýshylar eki adamdy qutqaramyz dep oılap edi, biraq, ókinishke qaraı, olar barǵan kezde eki adam kóz jumǵan eken. «Gara-Bashı» stansasynda, 3900 metr bıiktikte apat medıtsınasy dárigerleri olardyń qaıtys bolǵanyn anyqtady», - dedi ol.

Buǵan deıin úsh adamnyń kóz jumǵany habarlanǵan bolatyn.


Basty sózder: Reseı, Oqıǵa,
Joǵary qaraı