Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

El birligin nyǵaıtýda assambleıanyń róli mańyzdy - Prezıdent

2021 jyldyń 21 qazan 2021 12:23

NUR-SULTAN. QazAqparat – Qazaqstan halqy Assambleıasy el birligin nyǵaıtýda eń mańyzdy ról atqarady. QR Prezıdenti, QHA tóraǵasy Qasym-Jomart Toqaev uıymnyń búgingi otyrysynda osyndaı pikir bildirdi, dep habarlaıdy QazAqparat tilshisi.

«Búgin bárimiz Táýelsizdigimizdiń 30 jyldyǵy qarsańynda jınalyp otyrmyz. Táýelsizdik mereıtoıy - Qazaqstan úshin asa mańyzdy tarıhı beles. Biz osy jyldarda tuǵyry myǵym, qýatty memeket qurdyq, ekonomıkamyzdy órkendettik, halyqtyń ál-aýqatyn arttyrdyq. Munyń bárine berekeli birligimiz arqyly qol jetkizdik. Elbasymyz Nursultan Ábishuly Nazarbaevtyń syndarly saıasatynyń arqasnyda elimizde etnosaralyq jáne konfessııaaralyq kelisimni biregeı úlgisi qalyptasty. Onyń tıimdiligin álem qaýymdastyǵy moıyndady. Qazaqstandaǵy turaqtylyq pen tatýlyq qoǵamdaǵy yntymaq pen teńdikten, ózara senim men qurmetten bastaý alady», - dedi Memleket basshysy.

Sonymen qatar, Prezıdent qazirgi kúnde ultaralyq yntymaqqa qater tóndirýi múmkin syn-qater kóp ekenin eske saldy.

«Qasterli otanymyzda túrli mádenıetterdiń úılesim tapqany - birtutas ult bolyp uıysýymyzdyń basty qaǵıdaty ári aınymas strategııalyq baǵdarymyz. Qazirgi zamanda syn-qaterler az emes. Mundaı jaǵdaıda biz jalpy ulttyq birligimizdi odan ári bekemdeı túsge tıispiz. Sonda ǵana memlekettiligimizdi nyǵaıtyp, jańa belesterdi baǵyndyra alamyz. Men bıylǵy Joldaýymda el birligin nyǵaıta túsý qajettigine aıryqsha mán berdim. Osy mańyzdy jumysta assambleıamyz eń mańyzdy ról atqaratyny sózsiz», - dedi Memleket basshysy.


Joǵary qaraı