Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

EQYU-nyń Bas hatshysy Astana Sammıtiniń murasyna baǵa berdi

2021 jyldyń 20 aqpan 2021 00:10

NUR-SULTAN. QazAqparat – Eýropadaǵy qaýipsizdik jáne yntymaqtastyq uıymynyń (EQYU) Bas hatshysy, nemis dıplomaty Helga Marııa Shmıdt Qazaqstannyń uıym aıasyndaǵy belsendiligin jaqsy baǵalaıtynyn aıtty, dep habarlaıdy QazAqparat.

Óziniń Twitter-degi resmı akkaýntynda EQYU-nyń Bas hatshysy Qazaqstan astanasynda 19 aqpan kúni Astana Sammıtiniń 10 jyldyq mereıtoıyna oraı atalyp ótken «Astanadaǵy EQYU-2010 sammıtiniń tarıhı máni men ózektiligi» atty halyqaralyq onlaın konferentsııasynda jıynǵa qatysýshylarǵa quttyqtaýyn joldady.

Helga Marııa Shmıd Qazaqstannyń EQYU aıasyndaǵy belsendiligin baǵalaıtynyn, memlekettiń Eýropa men Azııa arasynda kópir ispettes ekenin atap ótti.

«Qazaqstannyń 2010 jylǵy EQYU-daǵy tóraǵalyǵy men Astana Sammıti osy eldiń uıym aıasyndaǵy jumysynyń jarqyn sátteriniń biri boldy. Astana Sammıti aıasyndaǵy atqarylǵan jumystar EQYU-ǵa múshe elderdi naǵyz qaýipsizdik qoǵamdastyǵyn qurý jolynda jumysty jalǵastyrýǵa mindetteıdi. Men Qazaqstannyń osy úderis barysynda áli de mańyzdy ról atqaratynyna senimdimin»,-dep jazdy ol.

Sonymen qatar EQYU-nyń Bas hatshysy Qazaqstandy Táýelsizdiktiń 30 jyldyǵymen quttyqtady.

Aıta keteıik, búgin Qazaqstan astanasy Nur-Sultanda onlaın rejımde «Astanadaǵy EQYU-2010 sammıtiniń tarıhı máni men ózektiligi» halyqaralyq konferentsııa ótti.

Sharany Qazaqstannyń Tuńǵysh Prezıdenti, Elbasy kitaphanasy QR Syrtqy ister mınıstrligi men EQYU-nyń Nur-Sultandaǵy Baǵdarlamalar keńsesimen birlesip uıymdastyrdy.


Joǵary qaraı