Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eksperıment: ShQO qutqarýshylary jańajyldyq shyrshany órtedi

2021 jyldyń 6 jeltoqsan 2021 15:49

ÓSKEMEN. QazAqparat – Shyǵys Qazaqstan oblysynyń qutqarýshylary eksperıment retinde jańajyldyq shyrshany órtedi, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, qutqarýshylar Jańa jyl qarsańynda eksperıment uıymdastyrdy. Mundaǵy maqsat – shyrsha ornatý kezinde órt qaýipsizdigi erejelerin saqtamaýdyń qanshalyqty qaýipti ekenin kórsetý.

«Óskemendegi órt sóndirý-qutqarý bóliminiń aýmaǵynda mamandar jasandy shyrshany órtedi. Júrgizilgen eksperıment jańajyldyq shyrsha men áshekeılerdiń óte jyldam tutanatynyn kórsetti. Órt kezinde adamǵa ásirese kók tútin asa qaýipti. Janǵan shyrshadan ýly zattar bólinedi», - deıdi qutqarýshylar.

Osy rette, departament mamandary óńir jurtshylyǵyna shyrshany jaryqtandyratyn senimsiz qurylǵylardy paıdalanbaýǵa keńes beredi. Sondaı-aq shyrshany jylytý quraldarynan alys jerge ornatý qajet. Shyrshany maqtadan, qaǵazdan jáne tsellıýlozadan jasalǵan oıynshyqtarmen bezendirýge bolmaıdy.











Joǵary qaraı