Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ekpeniń esh keri áserin baıqaǵan joqpyn – qyzylordalyq dáriger

2021 jyldyń 3 naýryz 2021 01:03

QYZYLORDA. QazAqparat - Qyzylordada koronavırýs ınfektsııasyna qarsy ekinshi márte vaktsına saldyrǵandar arasynda kópbeıindi oblystyq balalar aýrýhanasynyń 15 qyzmetkeri bar, dep habarlaıdy QazAqparat tilshisi.

Esterińizge sala ketelik, 22 aqpannan bastap óńirde vaktsınanyń ekinshi dozasyn egý bastaldy.

Oblysqa aqpan aıynyń alǵashqy kúninde «Spýtnık V» vaktsınasy jetkizilip, nátıjesinde 1000 adamǵa ekpe egildi. Olardyń basym bóligi - medıtsına qyzmetkerleri. Ekpe qabyldaǵan azamattarǵa araǵa úsh apta salyp ekinshi márte ekpe egý júrgizilýde.

Aıta keterligi, 2 naýryzǵa deıin 505 adam ekinshi márte vaktsına saldyrǵan bolatyn. Olardyń qataryn keshe taǵy 50 adam tolyqtyrdy.

Ekpe qabyldaǵan turǵyndar qatarynda kópbeıindi oblystyq balalar aýrýhanasynyń 15 qyzmetkeri bar. Mamandardyń aıtýynsha, bul jolǵy ekpe aldyńǵy vaktsınanyń áserin kúsheıtedi.

«Álemdi koronavırýs ınfektsııasynan qorǵaný - basty mindetimiz. Qaterli indetti saqtyq sharalaryn tolyqqandy jasaǵanda ǵana jeńe alamyz», - dedi aýrýhana bas dárigeriniń orynbasary Sáýlebek Ysqaqov.

Onyń aıtýynsha, vaktsına aǵzadaǵy qorǵanys qabiletin arttyrady. Ol aýrýdyń aldyn alýǵa septigin tıgizedi.

«Ózim erikti túrde 1 aqpanda ekpe qabyldadym. Arada úsh aptadaı ýaqyt ótti. Ekpeniń esh keri áserin baıqaǵan joqpyn. Sol sebepti ekpeniń ekinshi kezeńinen óttim», - dedi aýrýhananyń bas meıirbıkesi Zabıra Almýrzaeva.


Joǵary qaraı