Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekonomıkada senimdi ósý bar – Asqar Mamın

2021 jyldyń 12 qazan 2021 09:45

NUR-SULTAN. QazAqparat – Úkimet basshysy Asqar Mamın ulttyq ekonomıkanyń ósý serpinin «senimdi» dep baǵalady. Bul týraly ol Úkimet otyrysynda aıtty, dep habarlaıdy QazAqparat tilshisi.

«Ulttyq ekonomıkada senimdi ósý serpini baıqalady. Toǵyz aıdyń qorytyndysy boıynsha jalpy ishki ónimniń ósimi 3,4 paıyzǵa deıin qarqyn aldy. Ekonomıka damýynyń negizgi draıveri naqty sektordaǵy óndiristiń turaqty ósýi boldy.

Óńdeý ónerkásibiniń kólemi 5,7 paıyzǵa ósti. Sonyń ishinde, mashına jasaýda 22,8, avtomobıl qurylysynda 31,6 paıyz, lokomotıvter men vagondar óndirisinde 50,5, qurylys materıaldarynda 10,1, farmatsevtıkada 38,1, plastmassa buıymdary óndirisinde 31,4, kıim óndirisinde 14, jıhazda 14,9, daıyn metal buıymdaryn shyǵarýda 17,2 paıyz ósim baıqalady», - degen Premer-Mınıstr, qyzmet kórsetý sektory da karantındik shekteýlerdiń azaıýıyna baılanysty senimdi túrde qalpyna kelip jatqanyn eske saldy.

«Qazir qyzmet kórsetý sektory saýda men baılanystaǵy joǵary ósý qarqyny esebinen 2,9 paıyzdy qurady», - dedi Úkimet basshysy.


Joǵary qaraı