Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekonomıka mınıstrligi Úkimette úsh Ulttyq jobany tanystyrdy

2021 jyldyń 12 qazan 2021 09:58

NUR-SULTAN. QazAqparat – Búgin Úkimet otyrysynda QR Ulttyq ekonomıka mınıstri Áset Erǵalıev úsh Ulttyq jobany tanystyrdy, dep habarlaıdy QazAqparat tilshisi.

«Qazaqstan Respýblıkasy Prezıdenti janyndaǵy Reformalar jónindegi joǵary keńestiń tapsyrmasyn oryndaý maqsatynda, Ulttyq ekonomıka mınıstrligi múddeli memlekettik organdarmen birlesip úsh Ulttyq jobany ázirledi. Olar «Qazaqstandyqtardyń ál-aýqatyn arttyrýǵa baǵyttalǵan turaqty ekonomıkalyq ósý» jáne «Kásipkerlikti damytý», sonymen birge «Qýatty óńirler – el damýynyń draıveri» atty Ulttyq jobalar. Atalǵan jobalar Elimizdiń 2025 jylǵa deıingi damýynyń ulttyq josparyn jáne «Nur Otan» partııasynyń «Ózgerister joly: Ár azamatqa laıyqty ómir!» atty saılaýaldy baǵdarlamasyn iske asyrý boıynsha jol kartasyn oryndaý maqsatynda ázirlendi», - dedi Á. Erǵalıev.

Onyń aıtýynsha, «Qazaqstandyqtardyń ál-aýqatyn arttyrýǵa baǵyttalǵan turaqty ekonomıkalyq ósý» Ulttyq jobasy kelesi 5 baǵytty qamtıdy. Olar ındýstrııalyq-ınnovatsııalyq damý, munaı-gaz-hımııa, energetıka keshenderin, geologııa salasyn damytý, sondaı-aq shıkizattyq emes eksportty arttyrýǵa qatysty. Atalǵan baǵyttardy iske asyrý aıasynda 6 mindet, 13 kórsetkish jáne 55 is-shara kózdelgen.

«Ulttyq jobany qarjylandyrýdyń jalpy kólemi 15,9 trln teńge, onyń ishinde respýblıkalyq bıýdjetten 402 mlrd teńge qarastyrylǵan. 15,5 trln teńgege jeke ınvestıtsııalar tartý kózdelip otyr. Ulttyq joba 2025 jylǵa qaraı turaqty ekonomıkalyq ósýdi 5 paıyzdan joǵary deńgeıde qamtamasyz etýge baǵyttalǵan. Óńdeý ónerkásibi kásiporyndaryn tehnologııalyq jańǵyrtý boıynsha sharalar qabyldanatyn bolady. Óndiris kólemin ulǵaıtýǵa jáne óńdeý ónerkásibi taýarlarynyń nomenklatýrasyn keńeıtýge yqpal etetin 418 ındýstrııalyq jobany iske qosý josparlanýda. Ulttyq joba aıasynda 1000 belsendi eksporttaýshynyń syrtqy naryqtarǵa shyǵýy, sondaı-aq 350 jýyq eksporttaýshyny «Alibaba» jáne «Amazon» sııaqty halyqaralyq elektrondyq platformalarǵa shyǵarý qamtamasyz etiletin bolady», - dedi mınıstr.

Sonymen qstar, óńdeý ónerkásibiniń joǵary tehnologııalyq ónimderin shyǵarý maqsatynda 2025 jylǵa qaraı 5 munaı-gaz-hımııa zaýytyn paıdalanýǵa berý josparlanýda.

Energetıkalyq keshendi belsendi jańǵyrtý arqyly elektr energııasyn óndirýdiń jalpy kólemindegi jańartylatyn energııa kózderiniń úlesi 6%-ǵa jetedi.

«Qabyldanǵan sharalar nátıjesinde óńdeý ónerkásibi ónimderiniń óndirisi 1,5 esege artady. Shıkizattyq emes eksport 2 esege ulǵaıyp, 2025 jyly 41 mlrd dollardy quraıdy. Shıkizattyq emes sektordyń negizgi kapıtalyna ınvestıtsııalardy 75%-ǵa arttyrý josparlanýda. Ekonomıkadaǵy eńbek ónimdiligi 1,2 esege ósedi. Energetıkalyq keshendi jańǵyrtý esebinen 2000 megavatt jańartylatyn energııa kózderiniń qosymsha qýattaryn iske qosý júzege asyrylatyn bolady. Geologııalyq zertteletin aımaqtyń kólemi 2,3 mln. sharshy kıllometrge deıin ulǵaıtý josparlanýda», - dedi Á. Erǵalıev.


Joǵary qaraı