Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ekonom-klaspen qatynaımyz - Qarjy mınıstri issapar shyǵyndary týraly

2022 jyldyń 19 mamyr 2022 12:51

NUR-SULTAN. QazAqparat – QR Premer-Mınıstriniń orynbasary, Qarjy mınıstri Erulan Jamaýbaev memlekettik qyzmetkerlerdiń issapar shyǵyndary týraly pikir bildirdi, dep habarlaıdy QazAqparat tilshisi.

«Eń aldymen, issapar shyǵyndary árbir memlekettik organda jeke qarastyrylady. Bul jóninde «issapar shyǵyndary» atty arnaıy bap bar. Árqaısysynyń shyǵyndary ártúrli, sondyqtan munda belgili bir turaqty mán joq. Sebebi, barlyǵy osy memlekettik organda qansha adam jumys isteıtinine jáne olardyń fýnktsıonaldyǵy issapar protsesine qanshalyqty jıi baratynyna baılanysty. Ushaqpen ushýdy da birneshe optsııaǵa bólý kerek. Eger bul jumyspen, tikeleı issaparmen baılanysty ushý bolsa, zań boıynsha barlyq memlekettik qyzmetshiniń emes, saıası qyzmetkerlerdiń ushý aqysy óteledi. Onda da tek ekonom-klass úshin aqy tólenedi», - dep jaýap berdi Qarjy mınıstri Senat otyrysynan keıin tilshiler suraǵyna.

Mınıstr jeke saparlarǵa qatysty esh shekteý joǵyn, ıaǵnı Qazaqstannyń kez kelgen azamaty kóliktiń kez kelgen túrin paıdalanýǵa quqyly ekenin aıtty.

«Bul - konstıtýtsııalyq norma, munda eshqandaı shekteý joq. Eger siz otbasyńyzben qandaı da bir elge nemese el ishinde demalýǵa barsańyz, kez kelgen kólik túrin, sonyń ishinde ekonom-klasty da, múmkindik bolsa bıznes-klasty da qoldana alasyz», - dedi ol.

Vıtse-premerdiń aıtýynsha, lıterlik arnaıy ushaqpen ushýǵa barlyǵyna birdeı ruqsat etilmegen.

«Onda da belgili bir sharttar jazylǵan. Qazir naqty optsııalardy aıta almaımyn, bul qyzmettik saparlardyń qajettiligine baılanysty, sodan keıin Premer-Mınıstrdiń, el basshylyǵynyń ruqsaty qajet bolady. Ózime toqtalsam, jeke ushaqty paıdalanbaımyn. Biraq, qazir Memleket basshysynyń árbir mınıstrdiń óńirlerge shyǵyp, halyqpen kezdesýi kerek degen tapsyrmasy bar. Biz negizinen ekonom-klasty qoldanamyz. Biraq meniń saparym jıi bola bermeıdi. Jyl basynda Túrkistan oblysyna baryp, Almaty oblysyna ekonom-klaspen ushqanmyn. Sondyqtan, qazir qansha qarajat ketkeni esimde joq, bizde bıýdjet zańnamaǵa sáıkes qalyptastyrylady», - dedi Erulan Jamaýbaev.


Joǵary qaraı