Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekologtar Esil ózeniniń tartylýyna alańdaýshylyq tanytty

2021 jyldyń 24 qarasha 2021 19:42

NUR-SULTAN. QazAqparat – Elordada qorshaǵan orta janashyrlary Esil ózeni sýynyń azaıyp bara jatqandyǵyna alańdaýshylyq bildirdi, dep habarlaıdy QazAqparat tilshisi.

«2020 jyldan bastap Esil ózeniniń sýy sapa jiktemesine sáıkes 5-shi topqa jatady. 2016 jyly qabyldanǵan sheshimge sáıkes, bizde sý sapasyna qaraı 5 jikteme topqa bólinedi. Ol boıynsha alǵashqy 4 jiktemege jatatyn sýda adam shomylýǵa bolady, jaramdy. Aıtpaqshy, Qazgıdromettiń saıtynda sý betiniń ınteraktıvti kartasy bar. Ony kez kelgen adam qarap, tanysa alady. Ol kartada da Esil ózeni sýynyń sapasy jiktemeniń sońǵy satysynda tur. Sondyqtan Esil ózeninde shomylýǵa tyıym salyndy. Atalǵan ózenge qatysty ekinshi másele — onyń tartylyp, taıazdap bara jatqany. Bul — úlken másele. Odan bólek, ózen las. Moıyndaý kerek, bul adamnyń isi, qaldyq kóp tastalady. LRT-nyń qurylysy kezinde Esil ózenindegi Belasar kópiriniń janynda qurylys jáne basqa da qaldyq tastaldy, sonyń saldarynan jaǵymsyz ıis paıda boldy», - dedi praktıkalyq ekologtar qaýymdastyǵynyń basshysy Laýrý Málikova.

Onyń aıtýynsha, elimizdiń sý kodeksinde ózen mańynda salynatyn qurylystyń ózindik erejesi jazylǵan jáne ol saqtalýy tıis.

Atalǵan máselege qatysty Esil basseındik ınspektsııasynyń basshysy Serikjan Beketaev túsinik berdi.

«Esil ózenniń taıazdaý máselesi buǵan deıin de birneshe ret kóterildi. Qalalyq ekologııa departamenti atalǵan faktini tekserip, tirkedi de. Biz óz kezegimizde quzyrly organdarǵa hat joldadyq, másele baqylaýǵa alyndy. Rasymen ótken jyly ózen tartylýy baıqaldy. Jalpy ózen sýynyń azaıýy onyń sapasyna da áser etedi», - deıdi ol.

Buǵan deıin astanalyqtar aýa sapasyn arnaıy mobıldi qosymshanyń kómegimen teksere alatyndyǵy týraly habarlaǵan edik .

Aıta ketsek, búgin qorshaǵan orta janashylarlary «Urban talks» jobasy aıasynda elordanyń ekologııalyq máselesin ortaǵa saldy.

Atalǵan sharaǵa ekologtarmen qatar, qalalyq ákimdik jáne quzyrly organ ókilderi qatysty.


Avtor Álı Ibraev
Basty sózder: Ekologııa, Nur-Sultan,
Joǵary qaraı