Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Ekologııa mınıstrligi Qaraǵandydaǵy «jolaýshy» arystan jóninde pikir bildirdi

2021 jyldyń 6 naýryz 2021 11:52

NUR-SULTAN. QazAqparat – QR Ekologııa, geologııa jáne sý resýrstary mınıstrligi Qaraǵandydaǵy kólik terezesinen kóringen arystan jóninde pikir bildirdi, dep habarlaıdy QazAqparat.

«Keshe Qaraǵandydaǵy kólik terezesinen qarap turǵan arystannyń sýreti BAQ pen áleýmettik jelilerde kóp jarııalandy. Oblystyq janýarlar dúnıesi ınspektsııasynyń mamandary bul máseleni talqylady jáne onyń jergilikti baılanys zoobaǵynyń arystany ekeni belgili boldy. Biraq arystandy kóliktiń artqy oryndyǵynda tasymaldaýǵa ruqsat berilmegen. Atalǵan fakt boıynsha ınspektorlar tekserý júrgizý úshin poltsııa departamentine aryz jazdy», - dep jazdy mınıstrliktiń resmı ókili Samal Ibraeva Facebook jelisinde.

Sonymen birge, resmı ókil Qazaqstanda baılanys zoobaǵy qyzmeti Qazaqstanda toqtatylýy kerek dep sanaıdy, óıtkeni bul sensatsııalyq fotodaǵydaı saldarǵa ákep soǵady. Bul janýarlar úshin de, adamdar úshin de belgili bir qaýip týdyrady.

«Jalpy, sońǵy ýaqytta elimizde jabaıy ańdardy úıde ustaý jaǵdaılary jıilep ketti. Meniń oıymsha, bul aqylǵa qonbaıdy. Bul ańdarǵa kórsetilgen qatigezdik jáne adamdarǵa da qaýipti. Zańnamalyq túrde mundaı faktilerdiń aldyn alatyn kez keldi. Ekzotıkalyq janýarlar ustaıtyn adamdarǵa jáne oǵan jaǵdaı jasaıtyndarǵa qatań jaýapkershilik sharalaryn anyqtaý qajet. Mundaı faktilerdi biz mınıstrlik retinde jan-jaqty zerttep, jolyn kesýge nıettimiz», - deıdi S. Ibraeva.

Aıta keteıik, aqpan aıynda Almaty oblysyndaǵy sharýa qojalyqtardyń birinen arystan tabylǵan edi.


Joǵary qaraı