Aýa raıy
Astana 11 °S
Almaty 12 °S
valıýta baǵamy
USD 421.58
EUR 496.83
RUB 5.53
CNY 62.20

Ekologııa mınıstrligi Esil ózeninde sý túsiniń ózgerýine qatysty túsinik berdi

2020 jyldyń 3 tamyz 2020 16:08

NUR-SULTAN. QazAqparat – Ekologııa mınıstrligi elorda turǵyndaryn alańdatqan Esil ózenindegi sýdyń túsine qatysty túsinik berdi, dep habarlaıdy QazAqparat tilshisi.

Aıta keteıik, ózendegi sýdyń jasyl túske boıalǵan bóligi áleýmettik jelide jarııalanǵan edi.

Mınıstrlik málimetinshe, áleýmettik jelidegi jarııalanym negizinde elorda boıynsha Ekologııa departamentiniń mamandary 31 shilde kúni Esil ózeni boıyn qarap shyqty. Osy oraıda ózen jaǵalaýy zerttelip, Esildegi sýdyń synamasy alyndy.

«Esil ózeni sýynyń jasyl túske boıalýyna tabıǵı qubylys sebep bolýy múmkin. Sý túsiniń ózgerýine fıtoplanktonnyń kóbeıýi áser etedi. Bul turǵyda sý qoımasynda baldyrdyń tez kóbeıýi yqpal etýi múmkin», - delingen Ekologııa mınıstrligi habarlamasynda.

Sonymen qatar, sý túsiniń ózgerýine makrobaldyrlar da áser etýi yqtımal.

Vedomstvo málimetinshe, atalǵan máseleni Ekologııa departamenti erekshe baqylaýǵa aldy. Zańnamaǵa sáıkes, departament Nur-Sultan qalasy aýmaǵynda turaqty monıtorıng pen baqylaý júrgizýde. Al sýdan alynǵan synamanyń nátıjeleri aldaǵy ýaqytta jarııalanatyn bolady.


Avtor Rýslan Ǵabbasov
Basty sózder: Nur-Sultan, Ekologııa,
Joǵary qaraı