Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekologııa mınıstri ózen sýymen qamtamasyz etý jumystary týraly aıtty

2021 jyldyń 10 maýsym 2021 11:58

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Maǵzum Myrzaǵalıev vegetatsııalyq kezeńde ózen sýymen qamtamasyz etý jumystary týraly aıtty, dep habarlaıdy QazAqparat tilshisi.

«Elimizdiń ońtústik óńirlerinde vegetatsııalyq kezeń sýy az tsıkli jaǵdaıynda ótip jatyr. Osy aımaqqa jalpy sýarmaly sýdyń 97 paıyzy tıesili. Almaty oblysy boıynsha aıtsaq, Іle Alataýynyń ońtústik betkeıindegi ózen basseınderinde jaýyn-shashyn normadan 39 paıyzǵa tómen. Taýlardaǵy qar qory normadan besten qyryq eki paıyzǵa deıin tómen. Shaǵyn jáne orta sý qoımalarynyń tolymdylyǵy vegetatsııalyq kezeńniń basynda shamamen 75-80% qurady», - dedi M. Myrzaǵalıev Úkimet otyrysynda.

Sonymen qatar ol Jambyl oblysy boıynsha jaǵdaıǵa toqtaldy. Shý jáne Talas ózenderiniń basseınderinde sýdyń deńgeıi 20-25% paıyzǵa tómen. Osy ózenderdiń barlyq aǵyny Qyrǵyz Respýblıkasynyń aýmaǵynda qalyptasady. Sýy az tsıkli kezinde memleketaralyq sý obektileri boıynsha kelisilgen kólemde sý alý barysynda qıyndyqtar týyndaıdy.

«Túrkistan jáne Qyzylorda oblystary boıynsha aıtsam, Syrdarııa ózenindegi sýdyń deńgeıi Toqtoǵul sý qoımasynyń toltyrylýyna baılanysty. Aǵymdaǵy vegetatsııalyq kezeńniń basynda atalǵan sý qoımasynyń kólemi sońǵy 5 jyldaǵy eń tómen kórsetkishke teń boldy. Vegetatsııalyq kezeńniń basyndaǵy norma 15 mlrd tekshe metr bolsa, osy jylǵy birinshi sáýirde 8,7 mlrd tekshe metr boldy. Arys ózeni aǵynynyń normasymen salystyrsaq, 8 paıyzdan 73 paıyzǵa deıin tómen. Taý ózenderiniń ortasha aǵysy normadan 25% tómen», - dedi mınıstr.

Onyń paıymynsha, bul jaǵdaıda kórshiles eldermen sý dıplomatııasy mańyzdy ról atqarady. Osylaısha, qyrǵyz elimen qosymsha sý jiberýge kelisim jasaldy.

«Atap aıtsaq, vegetatsııa shyńynda (maýsym-tamyz) Toqtoǵul sý qoımasynan qosymsha 330 mln tekshe metr sý qabyldanatyn bolady. Osy sý kólemin Ózbekstan aýmaǵy arqyly ótkizý jóninde de ýaǵdalastyqtarǵa qol jetkizildi. Sondaı-aq, tájik jáne ózbek taraptarymen birlesip «Bahrı Tochık» sý qoımasynyń jumys rejımi boıynsha kelisimder júrgizilip jatyr. Atap aıtqanda, qazaqstandyq tarap úshin 315 mln tekshe metr kóleminde «Bahrı Tochık» sý qoımasynan qosymsha sý berý boıynsha ýaǵdalastyqqa qol jetkizildi. Onyń ornyna tájik tarapy seksen 80 tonna dızel otyny, otyz 30 tonna dızel maıy jáne 1 ekskavator túrinde materıaldyq-tehnıkalyq qoldaý kórsetýdi suraıdy», - dedi M. Myrzaǵalıev.


Joǵary qaraı