Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekologııa mınıstri qaldyqtardy bólek jınaý máselesi týraly aıtty

2021 jyldyń 25 qazan 2021 19:12

NUR-SULTAN. QazAqparat – QR Ekologııa, geologııa jáne tabıǵı resýrstar mınıstri Serikqalı Brekeshev qaldyqtardy óńdeý jumystary týraly aıtyp berdi, dep habarlaıdy QazAqparat tilshisi.

«Taǵy bir basty másele – qaldyqtardyń shamadan tys jınalýy ekenin birneshe ret aıttyq. Osyǵan baılanysty qaldyqtardy turaqty basqarý boıynsha «Waste-to-Energy» tehnologııasy boıynsha energııa alý men qaldyqtardy energetıkalyq kádege jaratý jónindegi nysandar salý sııaqty is-sharalar esebinen qatty turmystyq qaldyqtardyń úlesin jáne kádege jaratýdy 18%-dan 34%-ǵa deıin ulǵaıtý kózdelip otyr», - dedi mınıstr Ortalyq kommýnıkatsııalar qyzmetinde ótken brıfıngte.

Odan bólek, quramynda synaby bar qaldyqtardy bólek jınaý úshin 8 myńnan astam konteıner men dárihanalarda medıtsınalyq qaldyqtarǵa arnalǵan ekobokstar ornatý josparlanýda.

«Tuıyq tsıkldi ekonomıkany damytý sheńberinde qurylys jáne iri gabarıtti qaldyqtardy jınaýǵa arnalǵan alańdar qurý boljanyp otyr», - dedi S. Brekeshev.

Buǵan deıin Serikqalı Brekeshev «Jasyl Qazaqstan» ulttyq jobasy týraly aıtyp bergen edi. Ulttyq jobany iske asyrýdyń arqasynda 60 myńǵa jýyq jumys orny ashylady.



Joǵary qaraı