Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Ekologııa máselelerine arnalǵan jol kartalarynyń nátıjesi qandaı

2022 jyldyń 15 qańtar 2022 16:15

NUR-SULTAN. QazAqparat – QR Ekologııa, geologııa jáne tabıǵı resýrstar mınıstrligi óńirlerdiń ekologııalyq problemalaryn keshendi sheshý jónindegi jol kartalary týraly túsinik berdi, dep habarlaıdy QazAqparat tilshisi.

«Bizdiń elimizdiń halqyn óńirlerdegi ekologııalyq máseleler jıi alańdatady. 2020 jyly halyqpen kezdesip, iske asyrý merzimi 2025 jylǵa deıingi 485 naqty is-sharany qosa otyryp, óńirlerdiń ekologııalyq problemalaryn keshendi sheshý jónindegi 16 jol kartasyn bekittik», - delingen Ekologııa mınıstrligi málimetinde.

Búgingi tańda kelesi is-sharalar aıaqtaldy:

-Túrkistan qalasyn jáne birinshi kezekte Nur-Sultan qalasyn gazben qamtamasyz etý boıynsha jumystar, nátıjesinde 14 000 úı gazǵa qol jetkizdi;

- Qyzylorda jáne Aral qalalarynda qatty turmystyq qaldyqtar (QTQ) polıgondaryn salý;

- Atyraý qalasynyń sol jaq jaǵalaý bóligindegi QTQ boıynsha qurylys-montajdaý jumystary;

- Nur-Sultan qalasynyń jel rejımin zertteý, onyń nátıjeleri boıynsha osy jyldyń mamyr aıynyń sońyna deıin qalanyń bas josparyna túzetýler engiziletin bolady;

- Almaty qalasynda dızeldik otyn qoldanylatyn qoǵamdyq kólik satyp alýǵa tyıym salyndy, al jumys istep turǵan qoǵamdyq kólik gazǵa aýystyrylýda.

- Almatyda JEO-2-ni jańǵyrtý boıynsha tehnıkalyq ekonomıkalyq negizdemege oń Memlekettik saraptama alyndy, onyń qurylysyn 2026 jyly aıaqtaý josparlanyp otyr.

Mınıstrlik Jol kartalaryn oryndaýdy Úkimet otyrysynyń talqylaýyna shyǵardy. Óıtkeni Pavlodar, Atyraý, Jambyl oblystarynda jáne Nur-Sultan jáne Almaty qalalarynda is-sharalardyń oryndalý merzimderinde artta qalýshylyq bar.

«Jol kartalaryn oryndaý jaǵdaıyn taldaý 2021 jylǵa josparlanǵan is-sharalardyń 63%-y oryndalǵanyn kórsetti. 2025 jylǵa qaraı Jol kartalaryn oryndaý nátıjesi qalalarda atmosferalyq aýanyń lastanýyn azaıtýy, tarıhı ekologııalyq problemalardy sheshýi, sarqyndy sýlardyń sapasyn jaqsartý jáne olardy qysqartýy, sondaı-aq qaldyqtarmen jáne kógaldandyrýmen baılanysty ahýaldy jaqsartýǵa tıis. Jergilikti atqarýshy organdar bizdiń aýmaqtyq bólimshelerimizben birlesip, ár toqsan saıyn kartalardyń barlyq tarmaqtary túpkilikti oryndalǵanǵa deıin olardyń iske asyrylý barysy týraly jarııalaıtyn bolady», - dep atalyp ótken mınıstrlik habarlamasynda.


Joǵary qaraı