Aýa raıy
Astana 10 °S
Almaty 17 °S
valıýta baǵamy
USD 421.58
EUR 496.83
RUB 5.53
CNY 62.20

Ekinshi dúnıejúzilik soǵysta iz-túzsiz joǵalǵan 600 jaýynger tabyldy

2020 jyldyń 18 qyrkúıek 2020 12:22

NUR-SULTAN. QazAqparat - Ekinshi dúnıejúzilik soǵysta iz-túzsiz joǵalǵan 600 jaýynger tabyldy. Bul týraly «Atamnyn amanaty» qoǵamdyq qorynyń basqarma tóraǵasy Murat Moldaǵalıev aıtty, dep habarlaıdy QazAqparat tilshisi.

«Qazaqstan jerinen soǵysqa 1,5 mıllıonnnan astam jaýynger men ofıtser maıdanǵa attansa, sonyń 271 myńy iz-túzsiz joǵalǵandar sanatyna jatady. Kez kelgen jaýynger úshin kómýsiz qalý jáne iz-túzsiz joǵalǵandar tizimine ený úlken qasiret sanalatyn shyǵar. Sondyqtan da bizdiń birlestik osy esimderdi urpaqtarynyń jadyna oraltý maqsatynda qurylǵan edi», - dedi ol onlaın baspasóz máslıhaty barysynda.

Onyń atap ótýinshe, ol úshin arnaýly saıt qurylǵan jáne oǵan soǵysqa attanyp iz-túzsiz joǵalǵan jaqyndaryn izdegen kez kelgen adam júgine alady.

«Bıyl 3 myńnan astam ótinim túsken edi. Onyń ishinde 600 ótinimdi oryndap, urpaqtaryna 600 jaýyngerdiń esimin qaıtara aldyq», - dedi Murat Moldaǵalıev.


Avtor Marlan Jıembaı
Basty sózder: Qoǵam,
Joǵary qaraı