Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Ekibastuzda 200 myń sharshy metr kredıttik baspana salynady

2021 jyldyń 21 qyrkúıek 2021 09:58

NUR-SULTAN. QazAqparat –Ekibastuz qalasyn áleýmettik-ekonomıkalyq damytýdyń keshendi jospary sheńberinde 200 myń sharshy metr kredıttik baspana salý kózdelgen, dep habarlaıdy QazAqparat tilshisi.

Úkimet otyrysynda Ulttyq ekonomıka mınıstri Áset Erǵalıev osyndaı málimet aıtty.

«Halyqtyń ómir súrý sapasyn arttyrý jáne jaǵdaıyn jaqsartý maqsatynda jalpy somasy 84,9 mlrd teńgege turǵyn úı, ınjenerlik-kommýnıkatsııalyq jáne jol ınfraqurylymyn damytýǵa baǵyttalǵan 37 is-shara iske asyrylatyn bolady.

Qalada 50 shaqyrym magıstraldyq jáne kvartal ishindegi jylý jelileri salynady, sonymen qatar keıbiri qaıta jańartylady», - degen mınıstr baspana máselesin sheshýge de qarajat bólinetinin atady.

«Keshendi jospar aıasynda 200 myń sharshy metr kredıttik jáne jalǵa beriletin turǵyn úı salý, sondaı-aq jeke turǵyn úı qurylysy úshin 370 ýchaske bólý kózdelgen.

Qalada 104,7 km sýmen jabdyqtaý jáne sý burý jelileri, 32,5 km sý qubyry jelileri jáne 2 tazartý sorǵy stantsııalary salynady jáne keıbiri qaıta jańartylatyn bolady», - dedi Áset Erǵalıev.


Joǵary qaraı