Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Eki jigit Almaty zoobaǵyndaǵy jolbarysty yzalandyrdy

2022 jyldyń 14 mamyr 2022 11:15

ALMATY. QazAqparat - Almatyda eki jigit taqtaıshalarda jazylǵan eskertýlerdi elemesten, tehnıkalyq aýmaqqa qorshaýlardan attap kirip, tordaǵy jolbarysty yzalandyrdy. Bul týraly haıýanattar baǵynyń ákimshiligi áleýmettik jeli arqyly málim etti, dep habarlaıdy QazAqparat tilshisi.

«Ókinishke qaraı, qaýipsizdik qyzmetkerleri haıýanattar baǵynyń ár buryshynda tura almaıdy. Óıtkeni, zoobaq aýmaǵy úlken - 21 ga. Biz janýarlarǵa osyndaı dóreki is-áreketter jasalǵanyn qalamaımyz. Qazirgi ýaqytta osy másele jan-jaqty qarastyrylyp jatyr. Kináliler mindetti túrde jazasyn alady», - delingen haıýanattar baǵynyń Instagram paraqshasynda.

Olar jyrtqyshqa áldebir zattardy laqtyryp, mazasyn alyp, zoobaqqa kelýshi basqa adamdardy balaǵattaǵan.

Buǵan deıin Almaty zoobaǵyndaǵy janýarlar jazǵy volerge kóshirilip jatqany týraly jazǵan bolatynbyz.


Avtor Alma Muqanova
Basty sózder: Janýarlar, Oqıǵa, Almaty,
Joǵary qaraı