Aýa raıy
Astana 8 °S
Almaty 7 °S
valıýta baǵamy
USD 421.58
EUR 496.83
RUB 5.53
CNY 62.20

Eki oblysta adamdardy quldyqta ustaǵan qojalyq ıeleri ustaldy

2020 jyldyń 21 qyrkúıek 2020 13:38

NUR-SULTAN. QazAqparat – Aqtóbe men Jambyl oblystarynda sharýa qojalyqtarynda quldyqta bolǵan azamattar qutqaryldy, dep habarlaıdy QazAqparat tilshisi.

Bul týraly QR ІІM Krımınaldyq polıtsııa departamentiniń basshysy Dýman Taev aıtyp berdi.

«Aqtóbe oblysynda sharýa qojalyǵynyń basshysy polıtsııaǵa jetkizildi. Ol úsh aı boıy 40 jastaǵy er adamdy kúshtep ustaǵan. Tutqyn kúndizgi ýaqytta traktor aıdap, túnde kúzetshi bolǵan jáne avtofýrgonda uıyqtaǵan. Atalǵan fakt boıynsha Qylmystyq kodekstiń 128-babyna sáıkes sotqa deıingi tergeý júrip jatyr», - dedi departament basshysy mınıstrlik uıymdastyrǵan aptalyq brıfıngte.

Qazirgi ýaqytta zardap shekken turǵyn Adam saýdasy qurbandaryna arnalǵan ortalyqta qajetti kómekti alyp jatyr.

«Jambyl oblysynda da sharýa qojalyǵynyń basshysy 2019 jyldyń qarashasynan beri eki er adam men bir áıeldi zańsyz ustaǵan. Erler mal baqqan, áıel – úı sharýasymen aınalysqan. Bul fakt boıynsha da QR Qylmystyq kodeksiniń 126-baby, 3-bóligi boıynsha qylmystyq is qozǵaldy». – dedi D. Taev.

Aıta keteıik, Qazaqstanda 1200 adam iz-tússiz joǵalǵandar sanatynda tur.

Qazaqstanda jyl saıyn 80-ge jýyq turǵyn adam saýdasynyń qurbany bolady. Jyl saıyn adam saýdasyna qatysty 180-ge jýyq is qozǵalady. Mundaı qylmys karantın kezinde de tirkelgen.

Ótken aptada elimizde aýqymdy «STOP trafık» operatsııasy júrgizildi jáne úsh kúnde polıtsııa qyzmetkerleri adam saýdasyna qatysty 50-den astam qylmysty anyqtady.


Joǵary qaraı