Aýa raıy
Astana -12 °S
Almaty -3 °S
valıýta baǵamy
USD 421.58
EUR 496.83
RUB 5.53
CNY 62.20

Eki qazaqstandyq boksshy úzdik ondyqqa endi

2020 jyldyń 27 qazan 2020 08:03

NUR-SULTAN. QazAqparat – Asianboxing.info saıty azııalyq boksshylar arasyndaǵy eń úzdik ondyqty atady. Onyń ishinde eki qazaqstandyq boksshy bar, dep habarlaıdy QazAqparat Sports.kz saıtyna silteme jasap.

Úzdik ondyqqa jaqynda ǵana kásibı rıngte debıýt jasaǵan Tursynbaı Qulahmet (1-0, 1 KO) pen Bek Nurmaǵanbet (1-0, 1 KO) endi.

Qulahmet óziniń kásibı mansabyn 23 tamyzda bastady. Ol tórtinshi raýndta óziniń otandasy Saǵadat Rahmanqulovty (6-2, 4 KO) jeńgen bolatyn. Tursynbaıdyń kelesi jekpe-jegi 11 qarashada brıtandyq Makoleı Makgoýenmen (14-0-1, 3 KO) bolady.

Nurmaǵanbet kásipqoı bokstaǵy alǵashqy oıynyn 26 shilde kúni ótkizgen edi. Ol majarstandyq Tamasha Laskany (19-23-1, 10 KO) birinshi raýndta-aq nokaýtqa jibergen bolatyn. Bektiń ekinshi jekpe-jegi 31 qazanǵa josparlanǵan. Onyń qarsylasy -tanzanııalyq boksshy Abdalla Pazzı (28-7-1, 25 KO).


Basty sózder: Sport,
Joǵary qaraı