Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Eki aıda koronavırýspen syrqattaný kólemi 3,8 ese azaıdy

2021 jyldyń 19 qazan 2021 09:21

NUR-SULTAN. QazAqparat – Keıingi bir aıda elimizdegi koronavırýspen aýrýdyń táýliktik kórsetkishi 2,4 ese azaıǵan. Bul týraly QR Densaýlyq saqtaý mınıstri Aleseı Tsoı Úkimet otyrysynda aıtty, dep habarlaıdy QazAqparat tilshisi.

«Jalpy Qazaqstanda sońǵy eki aıda syrqattaný kórsetkishi 3,8 ese, al ólim-jitim 3,6 ese tómendedi.

Búgingi tańda jasyl aımaqta 6 óńir bar. Olar: Jambyl, Qyzylorda, Mańǵystaý, Túrkistan, Aqtóbe oblystary jáne Shymkent qalasy.

Jalpy Qazaqstan Respýblıkasy jáne 5 óńir sary aımaqta. Qyzyl aımaqta 6 óńir (Nursultan, Almaty qalalary, Aqmola, Qostanaı, Pavlodar jáne Soltústik Qazaqstan oblystary) qalyp otyr», - degen mınıstr keıingi bir aıda táýliktik syrqattaný kólemi 2,1 ese azaıǵanyn atady.

«Aýyr jáne óte aýyr jaǵdaılardyń sany 1,6 ese azaıdy. Sondaı-aq, statsıonarlyq emdelýdegi naýqastar sanynyń 1,4 ese (18 qyrkúıektegi jaǵdaı boıynsha 13 azaıýy, ambýlatorııalyq emdelýdegi naýqastar sany 1,3 ese tómendegeni baıqalyp otyr», - dedi Alekseı Tsoı Úkimet otyrysynda.


Joǵary qaraı