Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

eGov-tyń bastapqy kodtary Qazaqstandaǵy serverlerde saqtalady – Baǵdat Mýsın

2021 jyldyń 14 qyrkúıek 2021 13:32

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın Іnstagram-daǵy paraqshasynda paraqshasynda eGov portalyna qatysty daý týraly jańa jazba jarııalady, dep habarlaıdy QazAqparat tilshisi.

«Áleýmettik jelide týyndaǵan suraqtarǵa barynsha bir jazba arqyly túsinikteme berip, aqparat tapshylyǵyna jáne buryn aıtylǵan aqparattyń durys túsindirilmeýine baılanysty paıda bolǵan kózqarastardyń basyn ashqym keledi.

Birinshiden, eGov portaly tek qana Qazaqstanǵa tıesili jáne eshkimge berilmeıdi! «Qazaqstandyqtardyń barlyq derekteri Reseı Federatsııasyna qoljetimdi bolady» degen túsinik qısynsyz», - dep bastaıdy mınıstr.

Vedomstvo basshysy Qazaqstanda táýelsizdik alǵannan beri sheteldik qurylymdarda jumys isteıtin kóptegen mekemeler bolǵanyn, olardyń bári qazaqstandyqtardyń málimetin ońdy-soldy paıdalana almaıtynyn eske salady. Sondaı-aq, ol «elektrondy úkimet arqyly bireý bireýge aqparat bere me?» degen suraq týyndamaý úshin eGov.kz-tiń ne ekenin qysqasha túsindiredi.

«eGov - bul barlyq memlekettik bazalarmen qursym arqyly qosylǵan «vıtrına» ǵana. Bul bazalarǵa nemese júıelerge eshkim eshqashan qol jetkize almaıdy! Ótken aıda bastalǵan taldaý qazaqstandyq memlekettik sektorda 400-den astam aqparattyq júıe bar ekenin kórsetti. Memlekettik jyljymaıtyn múlik bazasy sııaqty iri bazalardan bastap, olımpıada júldegerleri tirkelgen shaǵyn bazalarǵa deıin bar», - degen Baǵdat Mýsın baǵdarlamashy etıkasy men qujattamasy eskirgen júzdegen júıeniń ornyna, barlyq derekter biryńǵaı platformada rettelgen jáne túsinikti bolatyn ondaǵan júıelerge ótý zaman talaby ekenin aıtady.

«Qazir eGov-ty mıllıondaǵan eski qurylǵylarmen salystyrýǵa bolady. Olardyń ornyna biz sapaly zamanaýı tehnologııamen jabdyqtalǵan platformany ornatqymyz keledi. Halyq úshin de, ekonomıka úshin de barynsha oń nátıje alý úshin tsıfrlandyrýdyń «quraqtalǵan» modelinen tutas platformalyq modeline ótetin kez keldi», - deıdi mınıstr.

Onyń aıtýyna qaraǵanda, Qazaqstan SBER ákimshiligine derbes derekterdiń qaýipsizdigi boıynsha naqty talap qoıyp otyr. ıAǵnı, bastapqy kodtar saqtalatyn serverler Qazaqstan aýmaǵynan shyǵarylmaýy kerek.

«IT salasyndaǵy kez kelgen sheshim, ásirese halyqaralyq sheshim kıber qalqan men azamattardyń múddelerin qorǵaý jónindegi ýákiletti organdardyń usynymyn eskere otyryp qabyldanady. Qazaqstan tarapy baǵdarlamalyq qamtamasyz etý men tehnıkalyq qoldaýdy talap etetin vendor sııaqty bolýy kerek degen talap qoıyp otyr. SBER barlyq qoljetimdilikti bere otyryp, barlyq komponentterdiń bastapqy kodtaryn kórsetedi jáne barlyǵyn Qazaqstandaǵy serverlerge ornalastyrady dep kelistik», - dedi Baǵdat Mýsın.


Joǵary qaraı