Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Egıpetpen aradaǵy áýe qatynasy toqtatyldy

2021 jyldyń 3 jeltoqsan 2021 11:24

NUR-SULTAN. QazAqparat – Koronavırýstyq ınfektsııanyń jańa «Omıkron» shtammynyń paıda bolýyna jol bermeý maqsatynda Qazaqstan Respýblıkasy aýmaǵynda koronavırýstyq ınfektsııanyń paıda bolýy men taralýyna jol bermeý jónindegi vedomstvoaralyq komıssııanyń sheshimderine sáıkes 2021 jyldyń 3 jeltoqsanynan bastap Egıpetke áýe qatynasy toqtatyldy, dep habarlaıdy QazAqparat QR Indýstııa jáne ınfraqurylymdyq damý mınıstrliginiń resmı saıtyna silteme jasap.

Qazaqstan men Egıpet arasyndaǵy áýe reısterin Nur-Sultan, Almaty, Shymkent, Qostanaı jáne Aqtóbe qalalarynan Sharm-El-Sheıh qalasyna «Eır Astana» jáne «SCAT» áýe kompanııalary oryndap keldi.
Áýe kompanııalarynyń aqparaty boıynsha búgingi tańda Egıpette 2800-ge jýyq Qazaqstan azamaty bar. Olar 2021 jylǵy jeltoqsannyń 3-10 aralyǵynda atalǵan áýe kompanııalarynyń reısterimen elge jetkiziledi.
QR Bas memlekettik sanıtarlyq dárigeriniń 2021 jylǵy 30 qarashadaǵy №51 qaýlysyna sáıkes Egıpetten kelgen jolaýshylar COVID-19-ǵa qarsy vaktsınatsııalaýdyń tolyq kýrsynyń bar-joǵyna qaramastan, QR Memlekettik shekarasyn kesip ótken sátten bastap merzimi 72 saǵattan aspaǵan COVID-19-ǵa PTR ádisimen tapsyrylǵan testiniń teris nátıjesi týraly anyqtamany kórsetýi tıis. Sondaı-aq, vaktsına alǵan jáne tıisti anyqtamasy bar bolsa da, 7 kúnge oqshaýlanýy kerek.
Reısterdiń oryndalatyn kúnderi týraly tolyq aqparat alý úshin jolaýshylar týrdy nemese áýe bıletin satyp alǵan orynǵa habarlasýy qajet.


Joǵary qaraı