Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Egemen Qazaqstan» gazetiniń espedıtsııasy Baıanaýylda

2021 jyldyń 16 qyrkúıek 2021 21:23

NUR-SULTAN. QazAqparat – «Egemen Qazaqstan» respýblıkalyq gazeti» aktsıonerlik qoǵamyna qaraıtyn qos gazettiń Táýelsizdiktiń 30 jyldyǵyna arnaǵan «Atameken» mádenı-aǵartýshylyq ekspedıtsııasy kerýen basyn Pavlodar oblysyna burdy, dep habarlaıdy QazAqparat tilshisi.

Buǵan deıin de jazǵanymyzdaı , óńirlerdiń tarıhı-mádenı jáne týrıstik áleýetin, Táýelsizdik jyldarynda osy salada qol jetkizgen eleýli jetistikter men tabystardy nasıhattaý úshin qolǵa alynǵan ekspedıtsııa chellendj formatynda ótkizilip, bir oblystan ekinshisine joldanyp otyrady. Sol tártip boıynsha ekspedıtsııa tizgini Pavlodar oblysyna berilgen.







Quramynda «Egemen Qazaqstan» jáne «Kazahstanskaıa pravda» gazetteriniń menshikti tilshileri, oblystyq ákimdik qyzmetshileri men jergilikti BAQ ókilderi, «Qaǵandyq» qoǵamdyq qorynyń tóraǵasy Erkeǵalı Janǵazy bastaǵan ekspedıtsııa Baıanaýyl óńiriniń kıeli jerlerin aralap, taǵlymdy sharalarǵa qatysyp qaıtty.

«Júrgen jolymyz Máshhúr Júsip Kópeıuly, Musa Shormanuly, Sultanmahmut Toraıǵyrov keseneleri, Qońyráýlıe úńgiri, Saq zamanynan qalǵan Murtty qorǵany arqyly ótti.

Baıan óńiriniń ólketanýshylarynyń qyzyqty da tartymdy áńgimelerin tyńdap, qasıetti oryndardyń mańyzdylyǵy týraly málimetter aldyq. Ataqty atalarymyzdyń arýaqtaryna arnap duǵa baǵyshtadyq.




Sapar qyzyqty jáne ýaqyty tyǵyz boldy. Aımaǵymyzdyń kıeli oryndarynyń kishkentaı ǵana bóligin aralaýǵa bir kún ýaqytymyz azshylyq etti. Degenmen bolashaqta mundaı saparlar bolyp turady dep oılaımyz», - dep jazdy Erkeǵalı Janǵazy.








Avtor Esimjan Naqtybaı
Basty sózder: Týrızm, Pavlodar oblysy,
Joǵary qaraı