Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

«Egemen Qazaqstan» AQ men «Qazposhta» memorandým jasasty

2021 jyldyń 25 qarasha 2021 12:12

NUR-SULTAN. QazAqparat – «Egemen Qazaqstan» AQ men «Qazposhta» AQ arasynda ózara is-qımyl týraly memorandým jasaldy. Qujatqa «Egemen Qazaqstan» AQ basqarma tóraǵasy Darhan Qydyráli men «Qazposhta» AQ basqarma tóraǵasy Serik Saýdabaev qol qoıdy, dep habarlaıdy QazAqparat tilshisi.

«Búgingi kezdesýimiz óte mańyzdy dep oılaımyn. Biz «Qazposhta» qyzmetkerleriniń jankeshti jumysyn óte joǵary baǵalaımyz. Sebebi joly joq eń qıyr aýyldarǵa deıin nemese barý qıyn óńirlerge deıin sizder gazet-jýrnaldardy jetkizip kelesizder. Árıne, keıbir máseleler de bar. Árıne, jurtshylyq baspasózdiń der ýaqytynda kelýin kútip otyrady. Sondyqtan «Qazposhta» qyzmetine de sáttilik tileımiz», - dedi memorandýmǵa qol qoıý rásiminde Darhan Qydyráli.

Memorandýmǵa sáıkes «Qazposhta» «Egemen Qazaqstan» jáne «Kazahstanskaıa pravda» gazetterin damytý jáne taralýyn keńeıtý baǵytyndaǵy jumystaryn kúsheıtetin bolady.




«Qazposhta» uzaq jyldardan beri Qazaqstannyń búkil óńirinde shyǵatyn ári respýblıkadaǵy resmı jáne iskerlik aqparattardyń basty derekkózi sanalatyn «Egemen Qazaqstan» jáne «Kazahstanskaıa pravda» gazetterimen yntymaqtastyqty jolǵa qoıǵan. Biz baspa basylymdaryn jazylý boıynsha elimizdiń, tipti eń shalǵaı eldi mekenderine de jetkizip beremiz. Bul qazaqstandyqtardyń ózekti ári senimdi aqparattardy bilýi úshin jasalady. Basylymdy taratý jónindegi qyzmetimizdi qoldaý jáne keńeıtý bóligindegi yntymaqtastyǵymyz jemisti bolaryna senemin», - dedi óz kezeginde Serik Saýdabaev.




Aıta keteıik, «Egemen Qazaqstan» respýblıkalyq gazeti» aktsıonerlik qoǵamy gazetterine 2022 jylǵa (eskertý: tek «Qazposhta» jelisi arqyly 1 jylǵa tolyq jazylý kerek, utys júldegerleri jeltoqsan aıynda anyqtalady) tolyq jazylǵan oqyrmandar arasynda utysqa smartfondar oınatýdy josparlap otyr.




Budan bólek, «Egemen Qazaqstan» gazeti ózine barynsha kóp jazylym uıymdastyryp, qoldaý kórsetken qarapaıym janashyrlaryna da arnaıy syılyqtaryn usynady. Máselen, 15 adamdy «Egemen-ge» jazdyrǵan seriktesine «Egemen Qazaqstan kitaphanasy» serııasymen jaryqqa shyqqan «Baqorda» jáne «Jıyrma bes jyl: jeńister men jemister» atty kitaptaryn syıǵa tartady. Al endi 20 adamnyń gazetke jazylýyna sebepker bolǵan oqyrman atalǵan serııa boıynsha jaryq kórgen Sh.Murtazanyń «Namys naızaǵaıy», 25 adamdy jazdyrsa – Á.Kekilbaıulynyń «Dáýir daýysy», 30 adamdy jazdyrsa – «El jáne Elbasy», 35 adamdy jazdyrsa «Danalyq darııasy» atty qundy kitaptaryn syılyqqa alady.




Eger de 30 jáne odan kóp jazylym uıymdastyra alǵan adam bolsa, onda bul oqyrmanǵa bas basylymnyń ǵasyrlyq tarıhynan syr shertetin, eń qundy maqalalar toptastyrylǵan «Júz jyldyq jylnama» bes tomdyǵy tartý etiledi.





Avtor Marlan Jıembaı
Basty sózder: BAQ, Qoǵam,
Joǵary qaraı