Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

EAEO-nyń úshinshi eldermen yntymaqtastyǵy mańyzdy bola túsýde – Prezıdent

2021 jyldyń 14 qazan 2021 18:22

NUR-SULTAN. QazAqparat – Eýrazııalyq ekonomıkalyq odaqtyń úshinshi eldermen yntymaqtastyǵy mańyzdy bola túsýde. Bul týraly QR Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Pandemııa saldarynyń birtindep túzelýin eskere otyryp, úshinshi eldermen jáne odaqtarmen yntymaqtastyq barynsha mańyzdy bolyp keledi. Degenmen, Izraıl, Mysyr, Úndistanmen erkin saýda-sattyq týraly kelisim jasasý jónindegi kelissózder shamamen 5-6 jyl boıy jalǵasyp keledi. Al Mońǵolııa men Indonezııa naryqtary 2 jyldan astam ýaqyt boıy zerdelenýde», - dedi Qasym-Jomart Toqaev Joǵary Eýrazııalyq ekonomıkalyq keńes otyrysynda.

Osy rette QR Prezıdenti komıssııa kelissózder protsesin jedeldetip, ózge eldermen saýda-sattyq ytymaqtastyǵy boıynsha usynymdar ázirleı alatyndyǵyn atap ótti.

«Bul jumystyń keıbir baıaýlaýy pandemııamen baılanysty bolǵany túsinikti. Biraq, osynaý kúrdeli jaǵdaıdan birtindep shyǵa otyryp, kelissózder protsesin jedeldetýge bolar edi»,- dedi Memleket basshysy.


Joǵary qaraı