Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

EAEO-nyń damý strategııasynyń sapaly ári jedel oryndalýy mańyzdy - Prezıdent

2021 jyldyń 21 mamyr 2021 17:10

NUR-SULTAN. QazAqparat – Eýrazııalyq ekonomıkalyq odaqtyń damý strategııasynyń sapaly ári jedel júzege asyrylýyn qamtamasyz etý mańyzdy. Bul týraly Joǵary eýrazııalyq ekonomıkalyq keńestiń otyrysynda Qazaqstan Prezıdent Qasym-Jomart Toqaev aıtty, dep habarlaıdy QazAqparat tilshisi.

«Eýrazııalyq ekonomıkalyq odaq organdaryna Qazaqstannyń tóraǵalyq etýine baılanysty meniń Joldaýymda bizdiń ıntegratsııany damytýdyń 5 basymdyǵy aıqyndalǵan. Olar ekonomıkalyq ıntegratsııany damytý strategııasynyń maqsattary men mindetterimen tyǵyz baılanysty jáne búgingi talapqa jaýap beredi. Biz odaǵymyzdyń tarıhyndaǵy eń birinshi strategııalyq qujatty júzege asyrýdy bastadyq»,- dedi Qazaqstan Prezıdenti.

Memleket basshysy atalǵan strategııa qysqa merzimdi keleshekte ekonomıkanyń barlyq salalaryndaǵy jáne halyqaralyq yntymaqtastyqtaǵy ıntegratsııa men ózara is-qımyldyń basymdyqtaryn aıqyndap bergenin basa aıtty.

«Sondyqtan odaqty damytý strategııasyn sapaly ári jedel júzege asyrylýyn qamtamasyz etý mańyzdy. Bul, árıne, bizdiń ózimizge baılanysty», - dedi Qasym-Jomart Toqaev.


Joǵary qaraı