Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

EAEO aýmaǵynda biryńǵaı jumys izdeý júıesi iske qosylady

2021 jyldyń 30 maýsym 2021 10:08

NUR-SULTAN. QazAqparat - 2021 jylǵy 1 shildeden bastap Eýrazııalyq ekonomıkalyq odaq aýmaǵynda jumys izdeýdiń birizdendirilgen júıesi – «Shekarasyz jumys» ónerkásiptik paıdalanýǵa beriletin bolady. Bul týraly QazAqparat Eńbek mınıstrligine silteme jasap habarlaıdy.

«Shekarasyz jumys» – bul EAEO-ǵa múshe memleketterdiń aqparattyq júıelerindegi bos jumys oryndary men bos jumys oryndaryn izdeýshiler týraly aqparat alýǵa arnalǵan izdeý júıesi.

«Ortaq ıntegratsııalyq júıeni bir ýaqytta iske qosý úshin sheteldik áriptestermen birlesip múshe memleketterdiń aýmaǵynda jumys izdeý boıynsha negizgi aqparattyq júıeler ázirlendi: «Gorts» armıan aqparattyq júıesi, Belarýs Respýblıkasynyń Memlekettik jumyspen qamtý qyzmetiniń aqparattyq portaly, qyrǵyzdardyń «Jumyspen qamtý» portaly, «Reseıdegi jumys» aqparattyq júıesi jáne, árıne, bizdiń «Eńbek» portaly», – dedi QR Eńbek jáne halyqty áleýmettik qorǵaý vıtse-mınıstri Erbol Ospanov.

Jalpy júıe EAEO-nyń barlyq jumys izdeýshileri men jumys berýshilerine ulttyq eńbek bırjalarynda jınalǵan, verıfıkatsııalanǵan jáne jarııalanǵan bos jumys oryndary men túıindemeler boıynsha jumys ornyn nemese qyzmetkerlerdi izdeýge múmkindik beredi.


Joǵary qaraı