Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

EAEO alańynda úshinshi elderdiń sanktsııasyna jaýap berý máselesi talqylanǵan joq - vıtse-mınıstr

2021 jyldyń 5 maýsym 2021 19:50

NUR-SULTAN. QazAqparat - Saýda jáne ıntegratsııa vıtse-mınıstri Janel Kýshýkova EAEO máselelerine qatysty túsinik berdi, dep habarlaıdy QazAqparat.

«EAEO alańynda úshinshi elderdiń sanktsııasyna jaýap retinde qandaı da bir ujymdyq sharalardy qoldaný máselesi pysyqtalǵan joq jáne talqylanǵan joq. Oǵan qosa, mundaı máseleler Eýrazııalyq odaqtyń quzyretine múldem kirmeıdi jáne kún tártibinde de joq. Qazaqstan Respýblıkasy EAEO qurylǵan sátten bastap osy birlestik tek ekonomıkalyq sıpatqa ıe degen ustanymdy ustanady. Biz odaq sheńberindegi ózara qarym-qatynasymyzdy saıasattandyrýǵa jáne úshinshi eldermen qarym-qatynasymyzǵa áser etýi múmkin sharalar qabyldaýǵa túbegeıli qarsymyz» dep málim etti vıtse-mınıstr.

Janel Kýshýkovanyń aıtýynsha, EAEO-nyń jekelegen elderine qarsy qoldanylatyn sanktsııalar belgili bir dárejede barlyq múshe memleketter ekonomıkalarynyń jaı-kúıine áser etetini túsinikti.

«Bizdiń memleketterimizdiń tyǵyz ekonomıkalyq baılanysyn eskere otyryp, qazir EAEO-ǵa múshe memleketterdiń ekonomıkasy úshin EAEO-nyń jekelegen elderine sanktsııalyq yqpal etýden ekonomıkalyq saldarlardy barynsha azaıtýǵa baǵyttalǵan yqtımal birlesken sharalardy ázirleý máselesi talqylanyp jatyr. EAEO sheńberinde sanktsııalarǵa ujymdyq jaýap sharalary, ekonomıkalyq qysym sharalary nemese shet memlekettermen ózara qarym-qatynastarǵa ózge de yqpal etý túrleri kún tártibinde joq. Bul - Qazaqstan Respýblıkasynyń túbegeıli jáne ózgermeıtin ustanymy» deıdi Saýda jáne ıntegratsııa vıtse-mınıstri Janel Kýshýkova.

Eske sala keteıik, buǵan deıin Syrtqy ister mınıstrligi EAEO máseleleri jóninde túsinikteme bergen edi.

Joǵary qaraı