Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

«E-qyzmet» aqparattyq júıesi 2023 jyldyń sońynda iske qosylady

2022 jyldyń 15 sáýir 2022 13:48

NUR-SULTAN. QazAqparat – «E-qyzmet» aqparattyq júıesi 2023 jyldyń sońynda iske qosylady. Bul týraly QR Memlekettik qyzmet isteri agenttigi tóraǵasynyń orynbasary Berik Berkimbaev aıtty, dep habarlaıdy QazAqparat tilshisi.

«Prezıdent Jarlyǵy Memlekettik qyzmet isteri agenttigine birneshe maqsatty júktep otyr. Ol aldymen – «E-qyzmet» aqparattyq júıesiniń bazasynda memlekettik qyzmetke irikteý jáne qabyldaý protsesin tolyqtaı tsıfrlandyrýdy, sondaı-aq ony barlyq memlekettik organdarda engizýdi jáne keńinen taratýdy qamtamasyz etý. Ótken jyldyń ózinde memlekettik qyzmetke kelý úshin testileýge qatysqandardyń 50 paıyzdan astamy ǵana ony sátti tapsyryp ótken», - dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, kóp jaǵdaıda testileý ortalyqtary oblys ortalyqtarynda ornalasqan. Mysaly, Qytaımen shekaralas Narynqol aýylynan Almaty qalasyna deıin 340, al oblys ortalyǵy Taldyqorǵan qalasyna deıin 550 shaqyrymnan astam jol júrý kerek.

«Odan keıingi áńgimelesý kezeńi boıynsha birneshe másele bar. Ótken jyly 28 myńǵa jýyq irikteý boıynsha konkýrs jarııalansa, oǵan 46 myńnan astam azamat qatysyp, nátıjesinde tek 15 400 úmitker memlekettik qyzmetke iriktelip alyndy. Bul jerde de qoljetimdilikke qatysty suraq týyndaıdy. Mysaly, mańǵystaýlyq jerlesimiz Nur-Sultan qalasynda jarııalanǵan áńgimelesýge qatysý úshin myńdaǵan shaqyrym qashyqtyqty eńserýi qajet. Osylaısha, irikteýdiń ár kezeńine qatysý úshin kóptegen azamat jol shyǵynyn, odan bólek kúndelikti jumysynan suranyp, bos ýaqytyn arnaýy kerek. Árıne, «E-qyzmet» aqparattyq júıesi arqyly memlekettik qyzmetke irikteý protsesiniń barlyq kezeńderin avtomattandyrý, qashyqtan qatysý joǵaryda atalǵan máselelerdi sheshetini anyq. Osy jumys kelesi jyldyń aıaǵyna deıin aıaqtalady»,- dedi Berik Berkimbaev.


Joǵary qaraı