Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Dúnıejúzilik saýda uıymyn alǵash ret áıel adam basqarady

2021 jyldyń 16 aqpan 2021 07:44

NUR-SULTAN. QazAqparat - Jenevadaǵy Dúnıejúzilik saýda uıymynyń bas keńesi uıymnyń basshysy qyzmetine Nıgerııa ókili Ngozı Okondjo-Ivealanyń kandıdatýrasyn maquldady, dep habarlaıdy QazAqparat Euronews agenttigine silteme jasap.

Nıgerııanyń burynǵy qarjy mınıstri jańa qyzmetine 1 naýryzdan bastap kirisedi.

Óziniń aıtýynsha, Okondjo-Iveala eń aldymen álemdik saýdanyń koronavırýs pandemııasynan keıin qaıta qalpyna kelýine erekshe mán beredi.

Jańa tóraǵa Dúnıejúzilik saýda uıymynyń qazirgi ýaqytta kóptegen problemamen betpe-bet kelip otyrǵanyn eske saldy. Onyń sózine sensek, uıymdasqan nátıjeli jumys bul uıymdy áldeqaıda qýatty, búgingi kúnge beıimdelgen belsendi etedi.

«Bul jol óte uzaq, aýyr jáne belgisizdikke toly boldy. Biraq jańa kún týdy, endi naǵyz jumysty bastaýǵa bolady. Búginde Dúnıejúzilik saýda uıymyna múshe memleketter tarıhty óz qolymen jasap otyr - uıym qurylǵan 73 jyldan beri alǵash ret áıel adam, Afrıka ókili basshylyqqa keldi. Bul - naǵyz serpilis. Men jaqsylyqqa senem» dedi Ngozı Okondjo-Iveala.

Jańa tóraǵany Eýrokomıssııa basshysy Ýrsýlýa fon der Lıaıen quttyqtady. Ol óz quttyqtaýynda bul sáttiń tarıhı mańyzyn erekshe atap ótken.

Fon der Lıaıenniń aıtýynsha, Eýroodaq Dúnıejúzilik saýda uıymynyń reformasyn jaqtaıdy jáne erejege negizdelgen kópjaqty saýda júıesin qorǵaýǵa kómektesedi.

Aıta keteıik, uıym basshysynyń laýazymy ótken jyldyń 31 tamyzynan beri bos turǵan bolatyn. Sońǵy tóraǵa RobertýAzevedý sol kúni basshylyq ýaqyty aıaqtalmasa da, qyzmetinen ketti.


Joǵary qaraı