Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Dúnıejúzilik gımnazıadanyń alǵashqy 3 kúninde Qazaqstan 8 altyn aldy

2022 jyldyń 19 mamyr 2022 09:58

NUR-SULTAN. QazAqparat - Qazaqstandyq oqýshylar Dúnıejúzilik gımnazıadanyń alǵashqy 3 kúninde 14 medal jeńip aldy, dep habarlaıdy QazAqparat.

«Ótken aptada biz 250-ge jýyq oqýshymyzdy áýejaıǵa baryp, Frantsııaǵa shyǵaryp saldyq. Olar alǵash ret Dúnıejúzilik gımnazıadaǵa qatysyp, álemniń 70-ke jýyq elinen kelgen qurdastarymen baq synasyp jatyr.

Jarystyń alǵashqy 3 kúninde oqýshylarymyz 14 medal jeńip aldy. Ulttyq qurama qorjynynda 8 altyn, 3 kúmis jáne 3 qola medal bar. Dzıýdo, taekvondo jáne júzý jarystaryna qatysýshylar altyn, jeńil atletter men dzıýdoshylar kúmis, sondaı-aq dzıýdoshylar men taekvondoshylar qola júldeger atandy» dep jazdy QR Bilim jáne ǵylym mınıstri Ashat Aımaǵambetov Telegram kanalynda.
Mınıstr barlyq jeńimpazdy laıyqty jeńisimen quttyqtaı kele «Ár medal – eńbektiń, tabandylyqtyń, eńbekqorlyq pen tártiptiń jemisi. Jaqsy daıyndyq deńgeıin kórsetken muǵalimderińiz ben jattyqtyrýshylaryńyzǵa, sondaı-aq qoldaý kórsetken ata-analaryńyzǵa alǵys aıtamyn» dep túıdi sózin.

Aıta keteıik, buǵan deıin Qazaqstan alǵash ret Dúnıejúzilik oqýshylar gımnazıadasyna qatysyp jatqanyn jazǵan edik.









Joǵary qaraı