Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Dúnıejúzilik gımnazıadada Qazaqstan quramasy úshinshi oryn aldy

2022 jyldyń 23 mamyr 2022 12:14

NUR-SULTAN. QazAqparat - Oqýshylarymyz Dúnıejúzilik gımnazıadada 85 medal jeńip aldy. Onyń ishinde 32 altyn, 32 kúmis jáne 21 qola bar, dep habarlaıdy QazAqparat.

Bilim jáne ǵylym mınıstri Ashat Aımaǵambetovtiń áleýmettik jelidegi paraqshasyna jazýyna qaraǵanda, el quramasy 3-orynǵa turaqtap, úzdik úshtikke engen. Týrnır kestesinde altyn jáne kúmis medaldar sany boıynsha Qazaqstan 3-orynda, al qola medal sany boıynsha 5-orynda tur.

«Sonymen birge ulttyq quramanyń basshylyǵy qatysýshylarǵa taǵy 2 altyn medaldy qaıtaryp berý úshin apellıatsııa berdi. Balalarymyz Gımnazıadaǵa alǵash ret qatyssa da, el namysyn laıyqty dárejede qorǵap, joǵary nátıjeler kórsete bildi. Olar álemniń 70 elinen kelgen 3,5 myń oqýshymen baq synasty», - dep jazǵan mınıstr oqýshylarymyzdy álemdik olımpıadadaǵy jeńisterimen jáne joǵary jetistikterimen quttyqtaıdy.

Ol Bilim jáne ǵylym mınıstrligi oqýshylar arasynda zııatkerlik jáne sporttyq olımpıadalardy damytý jumystaryn jalǵastyratynyn aıtady.


Joǵary qaraı