Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

DSM: AQSh-taǵy Densaýlyq kórsetkishteri ınstıtýtynyń málimeti Qazaqstandaǵy naqty derekke saı kelmeıdi

2021 jyldyń 9 mamyr 2021 11:45

NUR-SULTAN. QazAqparat - QR Densaýlyq saqtaý mınıstrligi Densaýlyq kórsetkishteri jáne baǵalaý ınstıtýtynyń (ihme, AQSh) «COVID-19 jalpy ólim-jitimin baǵalaý» atty jarııalanǵan zertteýindegi aqparatqa túzetý jasaıdy, dep habarlaıdy QazAqparat atalǵan vedomstvonyń baspasóz qyzmetine silteme jasap.

«QR Strategııalyq josparlaý jáne reformalar jónindegi agenttiginiń statıstıka bıýrosynyń derekterine sáıkes, 2020 jyldyń qorytyndysy boıynsha koronavırýstyq ınfektsııadan qaıtys bolǵandar sany 4 729 adamdy qurady. 2021 jyldyń 4 aıynda KVI-den qaıtys bolǵandar sany 1 846 adamdy qurady. Osylaısha, pandemııa bastalǵannan beri Qazaqstanda KVI-den 81 696 adam emes, 6 575 adam qaıtys boldy. Densaýlyq kórsetkishteri jáne baǵalaý ınstıtýtynyń (ihme, AQSh) kórsetkishteriniń durys emestigi aıqyndaldy» delingen habarlamada.

Sonymen qatar, Ulttyq statıstıka bıýrosynyń aldyn ala derekteri boıynsha 2020 jyly qaıtys bolǵandardyń sany 2019 jylmen salystyrǵanda 21,8% nemese 29 124 adamǵa artyp, 133 489 adamǵa qaraǵanda 162 613 adamdy qurady. Osylaısha, artyq ólim-jitim 29 124 adamdy qurady, bul ınstıtýttyń málimdelgen kórsetkishterin de joqqa shyǵarady.
Aıta keteıik, KVI – 4 729 adam nemese 16,2%-dy qospaǵanda, adamdar basqa da ólimnen qaıtys bolyp jatty: qan aınalymy júıesiniń aýrýlary, tynys alý organdarynyń aýrýlary, júıke júıesiniń aýrýlary, juqpaly jáne parazıttik aýrýlar.
«Joǵaryda baıandalǵannyń negizinde «COVID-19-dan jalpy ólimdi baǵalaý» densaýlyq kórsetkishteri jáne baǵalaý ınstıtýtynyń (ihme, AQSh) júrgizgen zertteýlerine sáıkes jarııalanǵan statıstıkalyq derekter Qazaqstan Respýblıkasynda tirkelgen naqty derekterge sáıkes kelmeıtinin habarlaımyz» dep túıindelgen QR DSM habarlamasy.

Joǵary qaraı