Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dostastyq elderiniń saýda-ekonomıkalyq baılanystaryn jandandyrý qajet – Prezıdent

2021 jyldyń 15 qazan 2021 15:43

NUR-SULTAN. QazAqparat – Táýelsiz Memleketter Dostastyǵy elderiniń saýda-ekonomıkalyq baılanystaryn jandandyrý qajet. Bul týraly TMD uıymyna múshe memleketter basshylary keńesiniń kezekti otyrysynda Qazaqstan Prezıdenti Qasym-Jomart Toqaev aıtty, dep habarlaıdy QazAqparat tilshisi.

«Saýda-ekonomıkalyq yntymaqtastyqty jandandyryp, ulǵaıtý birinshi kezekti mindet. Birqatar bedeldi halyqaralyq uıymnyń málimeti boıynsha TMD memleketteriniń óńirshilik taýar aınalymy 91 mlrd dollardy nemese álemdik saýda deńgeıiniń 0,5 paıyzyn ǵana quraıdy. Bul rette Dostastyq elderiniń ózara saýda úlesi bizdiń memleketterimizdiń syrtqy álemmen jalpy taýar aınalymynyń shamamen 20 paıyzyn alyp otyr», - dedi Qasym-Jomart Toqaev.

QR Prezıdentiniń atap ótýinshe, bul kórsetkishter Dostastyq elderi saýda-ekonomıkalyq baılanysty aıtarlyqtaı arttyrýy úshin mol áleýettiń bar ekenin kórsetedi.

«Sondyqtan ekonomıkalyq ózara is-qımyldyń qazirgi ádisterin oı eleginen ótkizip, jetildirý úshin birlesken úlken jumys atqarý qajet»,- dedi Memleket basshysy.


Joǵary qaraı