Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Dos Kóshim: Aýyldyq jerlerde yntaly top qurý qajet

2021 jyldyń 22 qańtar 2021 13:42

ALMATY. QazAqparat –«QR Qoǵamdyq baqylaý týraly» zań jobasy kerek. Bul týraly qoǵam qaıratkeri Dos Kóshim aıtty, dep habarlaıdy QazAqparat tilshisi.

«Zań kerek. Sebebi, qoǵamdyq uıymdardyń, azamattyq qoǵamnyń negizgi baǵyty ol monıtorıng júrgizý, baqylaý. Shyndyǵynda memlekettiń qarajaty qaıda ketip jatyr, mınıstrlikter qalaı jumys istep jatyr, qandaı baǵyt bar? Osylardyń bárin baqylap otyrady. Sondyqtan bul zań sózsiz kerek»,- deıdi Dos Kóshim.

Qoǵam qaıratkeriniń pikirinshe, aýyldyq jerlerde yntaly top qurý kerek.

«Mysaly, keıbir aýyldarda qoǵamdyq uıym joq. Onda bolyp jatqan jemqorlyq sııaqty basqa da máselelerdi qalaı baqylaıdy. Múmkin jergilikti máslıhatpen birige otyryp, yntaly top baqylaý kerek shyǵar. Mysaly on shaqty adamnan turatyn yntaly top qurý qajet» - deıdi ol.

Aıta keteıik, búgin Aqparat jáne qoǵamdyq damý mınıstri Aıda Balaeva Almaty qalalyq Qoǵamdyq keńes múshelerimen kezdesip, «QR Qoǵamdyq baqylaý týraly» zań jobasyn talqylady.

Sondaı-aq mınıstr kezdesý kezinde onlaın petıtsııa biryńǵaı ınstıtýtyn qalyptastyrýǵa baǵyttalǵan ózgerister týraly zań jobasynyń negizgi baǵyttaryn atady.



Avtor Alma Muqanova
Basty sózder: Azamattyq qoǵam, Qoǵam,
Joǵary qaraı