Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dopty hokkeı: «Aqjaıyq» qatarynan ekinshi ret jeńiske jetti

2021 jyldyń 6 jeltoqsan 2021 19:02

ORAL. QazAqparat - Dopty hokkeıden joǵary lıga komandalary arasynda búkilreseılik jarysta óner kórsetetin Oraldyń «Aqjaıyǵy» úshinshi topta qatarynan ekinshi ret jeńiske jetti, dep habarlaıdy QazAqparat tilshisi.

Bul joly oraldyqtar Pervoýralskide «SKA-Sverdlovsk» komandasymen aıdynǵa shyqty.

«Aqjaıyq» sport klýbynyń dırektory Damır Qalaqovtyń málim etkenindeı, oıyn asa tartysty ótti.

Qonaqtar sapynan reseılik Maksım Pahomov eki dop soǵyp, bıylǵy maýsymdaǵy gol sanyn 9-ǵa jetkizdi. Reseılik Sergeı Bashaev pen Oral dopty hokkeıiniń túlegi Andreı Gýın de bir-bir goldyń avtory atandy.

Eń sońynda taǵy bir reseılik Aleksandr Slýgın mergendik tanytyp, oraldyq maman Nıkolaı Shavaldınniń shákirtteri jeńisti julyp aldy. Esep - 5:4.

Erteń qos komanda ekinshi kezdesýin ótkizedi.

Osylaısha úsh oıynnan 6 upaı jınaǵan «Aqjaıyq» óz tobynda aldyńǵy qatarda keledi.

Eske sala keteıik, budan buryn «Aqjaıyqtyń» jańa maýsymdaǵy alǵashqy jeńisine qol jetkizgenin jazǵan bolatynbyz.


Avtor Eljan Eraly
Basty sózder: Batys Qazaqstan oblysy, Hokkeı, Sport,
Joǵary qaraı