Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dızel tapshylyǵy: Atyraý MÓZ-degi jóndeý jumystary kelesi jylǵa aýystyryldy

2021 jyldyń 18 qazan 2021 09:18

ATYRAÝ. QazAqparat - Energetıka mınıstri Maǵzum Myrzaǵalıev Atyraý munaı óńdeý zaýytynda dızel otynymen qamtamasyz etý máseleleri boıynsha keńes ótkizdi. Vedomstvo basshysyna ishki naryqtaǵy aǵymdaǵy jaǵdaı týraly baıandaldy, dep habarlaıdy QazAqparat Qazaqstan Respýblıkasy Energetıka mınıstrliginiń baspasóz qyzmetine silteme jasap.

«QazMunaıGaz» UK AQ derekteri boıynsha otandyq munaı óńdeý zaýyttary barynsha​ júktelgen. Munaı ónimderiniń negizgi túrleri bekitilgen jospardan asyra óndirilýde.

«Aıta ketý kerek, tamyz-qyrkúıek aılarynda Qazaqstanda dızel otynyn normadan tys joǵary tutynýy tirkeldi.​ Bunyń​ sebebi, dızel otynynyń baǵasy tómen bolǵandyqtan, onyń tranzıttik júk kólikteri​men aǵyny oryn aldy.​ Búgingi tańda osy jaǵdaı qolmen basqarý rejımine kóshti.​ Energetıka mınıstrligi naryqty tez arada turaqtandyrý jáne sapaly otynmen qamtamasyz etý mindetin qoıdy. Kún saıyn Shymkent zaýytynda shamamen 5,5 myń tonna dızel otyny, Atyraý zaýytynda 4,4 myń tonnaǵa jýyq dızel otyny óndiriledi», – dep habarlady ulttyq kompanııa basqarmasy tóraǵasynyń orynbasary Danııar Tıesov.

14 kún ishinde eki zaýyt 133 myń tonna dızel otynyn óndirdi, bul josparly kórsetkishterden 4 myń tonnaǵa artyq.​ Aǵymdaǵy jyldyń 9 aıynda úsh MÓZ-de barlyǵy 3,7 mln. tonna dızel otyny óndirildi.

Sonymen qatar D. Tıesov​ qyrkúıek aıynda egin jınaý naýqanyna ótinimder tolyǵymen jabylǵanyn, olarǵa dızel otyny jeńildikpen​ satylǵandyǵyn​ atap ótti.

Sondaı-aq kezdesý barysynda basqarma basshysyna munaı ónimderi naryǵyndaǵy qalyptasqan jaǵdaıǵa baılanysty Atyraý munaı óńdeý zaýytyn jóndeýdi kelesi jylǵa aýystyrý týraly sheshim qabyldanǵanyn habarlady.

Aǵymdaǵy jyldyń 9 aıynda AMÓZ 4 006 000 tonna munaı óńdep, 1 168 276 tonna dızel otyny, 935 738 tonna avtomobıl benzınin óndirip shyǵardy.

Óz kezeginde Energetıka mınıstri munaı óńdeýshi kompanııalardyń basshylarynan kásiporyndardyń úzdiksiz jumysyn qamtamasyz etýdi talap etti.

«MÓZ» basshylyǵy men ujymynyń birinshi kezektegi mindeti zaýyttyń senimdi jáne turaqty jumys isteýi bolyp tabylatynyn erekshe atap ótkim keledi. Zaýyttyń isten shyǵýyna ártúrli sebepterdi aıtýǵa bolady. Alaıda elimizde mundaı jaǵdaı endi qaıtalanbaýy tıis», - dedi Maǵzum Myrzaǵalıev.

Basqarma basshysy avtojanarmaı quıý stantsısynda satylatyn dızel otynynyń sapasyna da toqtaldy.

«QazMunaıGazdan»​ barlyq jetkizý tizbegi boıynsha: MÓZ-den AJQS-qa deıin janar -jaǵarmaı materıaldarynyń sapasyn baqylaý júıesi boıynsha usynystar engizýdi suraımyn:», - dep qorytyndylady mınıstr.

Keńes qorytyndysy boıynsha Maǵzum Myrzaǵalıev ulttyq kompanııaǵa barlyq MÓZ-diń turaqty jumys isteýin, sondaı-aq Atyraý MÓZ-ine​ elektr energııasyn úzdiksiz jetkizý boıynsha sharalardy turaqty baqylaýda ustaýdy tapsyrdy.


Joǵary qaraı