Aýa raıy
Astana -5 °S
Almaty -5 °S
valıýta baǵamy
USD 421.58
EUR 496.83
RUB 5.53
CNY 62.20

Dımashqa tartý: Orys halyq aspaptary ansambli «Álqıssa» kúıin oryndady

2020 jyldyń 25 qarasha 2020 09:50

NUR-SULTAN. QazAqparat - «Berezka» horeografııalyq ansambli orkestri qazaqtyń áıgili «Álqıssa» kúıiniń kaverin jasap, orys halyq aspaptarynda oryndady, dep habarlaıdy QazAqparat Dimashnews resýrsyna silteme jasap.

«Berezka» ansambliniń múshesi Svetlana Zakýnovnyń aıtýynsha, «Álqıssany» Dımashtyń jáne basqa da mýzykanttardyń oryndaýynda birneshe ret tyńdaǵan. Sodan keıin Svetlanaǵa qazaq kompozıtsııasyna kaver jasaý ıdeıasy keldi. Oǵan kúıdiń erekshe ádemi dybystalýy qatty unady.

Sondaı-aq, Svetlana bul kúı orys halyq aspaptary balalaıka men domrada da erekshe estiletinin aıtady:.

Svetlananyń ıdeıasyn «Berezka» MAHA (memlekettik akademııalyq horeografııalyq ansambl) orkestrindegi áriptesteri birden qoldady.

«Biz toppen birge jınalyp, kompozıtsııany tyńdadyq, ony aspaptar arasynda partııalarǵa bóldik. Árıne, olar bul protseste ózderiniń oılaryn aıtyp, úles qosty. Qıyn jattyǵýlardan keıin biz qalaǵan nátıjege qol jetkizdik, sodan keıin ony jazýdy bastadyq» , – deıdi Svetlana.

«Berezka» MAHA orkestri 1959 jyldyń basynda keńestik baletmeıster jáne horeograf Nadejda Sergeevna Nadejdınanyń bastamasymen qurylǵan. Buǵan deıin horeografııalyq ansamblde tek 4 baıanshy bolǵan. Qazir orkestr aýqymy keńeıip, onda 13 mýzykant jáne 2 vokalıst bar.

Orkestrdiń bas dırıjeri - Reseıdiń halyq ártisi Leonıd Smırnov. Al turaqty kórkemdik jetekshisi – KSRO Halyq ártisi Mıra Koltsova.

Svetlana Zakýnovanyń ózi 2007 jyldan bastap «Berezka» ansambliniń múshesi. Buǵan deıin ol M.E. Pıatnıtskıı atyndaǵy Memlekettik akademııalyq orys halyq horynyń orkestrinde jumys istedi. Kásibı túrde kishi jáne alto domrada, sondaı-aq mandolınde oınaıdy.

Svetlana 2 jyldan beri Dımashtyń shyǵarmashylyǵymen tanys. Qazaqstandyq ánshini Qytaıdaǵy «I’ m a Singer»baıqaýynda alǵash ret estigen. Dımashtyń Eýrazııalyq fan-klýbynyń jáne Moscow Dear-larynyń múshesi.


Joǵary qaraı