Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dımash «Vıktorııa-2021» mýzykalyq syılyǵyna úmitkerler qataryna qosyldy

2021 jyldyń 26 qarasha 2021 10:52

NUR-SULTAN. QazAqparat – Reseıdiń «Vıktorııa» ulttyq mýzykalyq syılyǵyna úmitkerlerdiń short-paraǵy jarııa etildi. Onda Dımash Qudaıbergen «Jyl ánshisi» atalymyna kandıdattar qataryna qosyldy, dep habarlaıdy QazAqparat tilshisi.

Dimashnews.com saıtynyń málimetinshe, bıyl mýzykalyq syılyq jeńmpazdaryn marapattaý rásimi 2 jeltoqsan kúni Memlekettik Kreml saraıynda ótedi. Bıyl «Vıktorııa» syılyǵyna úmitkerlerdiń qatary óte kóp. Olardyń sany 700-den asyp jyǵylady. Short-paraqqa 13 atalym boıynsha eń úzikter kirip otyr. «Jyl ánshisi» atalymynda Dımashpen qatar kandıdattar arasynda Dıma Bılan, Leonıd Agýtın, Jony, Fılıpp Kırkorov bar. Dımash bul atalymǵa «ıA skýchaıý po tebe» kompozıtsııasymen usynylǵan.

Aıta keterligi, 2019 jyly Dımash «Vıktorııa» syılyǵynyń «Klassıkalyq mýzykada jyldyń ánshisi» jáne «Jyl jańalyǵy» atalymdarynda jeńiske jetken edi.

«Vıktorııa» syılyǵyn aqyn, metsenat Mıhaıl Gýtserıev, kompozıtor, prodıýser Igor Krýtoı, jazýshy, medıa-menedjer ıÝrıı Kostınder uıymdastyryp keledi. Fınalǵa shyqqandar «Úzdik jyl áni», «Úzdik pop ánshi», «Úzdik hıp-hop oryndaýshy», «Úzdik rok-grýppa nemese rok ánshi», «Jyl kompozıtory», «Jyl aqyny» sekildi 13 nomınatsııada baq synaıdy. Onda qazirgi zamanaýı mýzykanyń barlyq baǵyty qamtylǵan.


Joǵary qaraı