Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dımash Qudaıbergen Tokıo djaz festıvalinde japon tilinde án aıtty

2021 jyldyń 29 qarasha 2021 01:34

NUR-SULTAN. QazAqparat – 28 qarasha kúni qazaqstandyq óner juldyzy Dımash Qudaıbergen Tokıoda ótken djaz festıvalinde alǵash ret japon tilinde án shyrqady, dep habarlaıdy QazAqparat dimashnews.com saıtyna silteme jasap.

Tokıo djaz festıvali – bul Kúnshyǵys eliniń iri djaz merekesi. Tanymal álemdik mýzykanttardy bir sahnada jınaı alatyn festıvaldiń ǵalamshardyń túkpir-túkpirinde aýqymdy aýdıtorııasy bar. Bıyl festıval 20 jyldyq mereıtoıyn atap ótti. Osy sebepti uıymdastyrýshylar rasymen de aıtqysyz shoý syılady. Festıval translıatsııasy Japonııadaǵy eń áıgili djaz klýbtarynyń biri «Blue Note Tokyo»-da jasaldy. Kesh júrgizýshileri tanymal japon ánshisi jáne belgili telejúrgizýshi Garrı Sýgııama boldy.

Sahnada Makoto Ozone, Herbı Henkok, Mıko Hazama, BIGYUKI, Chıhıro ıAmanaka jáne basqa da japondyq jáne álemdik ártister óner kórsetti.



Dımash Qudaıbergen Tokyo Jazz Festival-ge osymen ekinshi ret qatysyp otyr. Ol esimi ańyzǵa aınalǵan ánshi ári kompozıtor Kodjı Tamakıdiń «Don’t Go» («Autumn Strong») ánin japon tilinde oryndady. Júrgizýshi Garrı Sýgııama ártisti óte jyly tanystyrdy: «Osyǵan deıin Dımashty telebaǵdarlamalardyń birinde tanystyrǵanym bar. Onyń jankúıerleri qatty qýanyp ketti jáne sodan beri maǵan qoldaý bildire bastady. Men óte tańǵaldym. Olar óte súıkimdi ári meıirban. Dımashty shynymen de bútin álemde jaqsy kóredi jáne men onyń tamasha daýysyn osynda – Tokyo Jazz-da tyńdaýǵa asyqpyn», - dedi.

Aıta keteıik, Dımash bul kompozııany alǵash ret 2017 jyly «I am Singer» baıqaýynda qytaı tilinde shyrqaǵan bolatyn.

2021 jyldyń 11 qarashasynda ótken «NHK Music Special» japon telebaǵdarlamasynda ánniń avtory Kodjı Tamakı Dımashtyń oryndaýyna joǵary baǵa bergen edi.




Joǵary qaraı