Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Dımash Qudaıbergen Qytaıǵa oralǵanyn jarııalady

2021 jyldyń 29 qyrkúıek 2021 01:27

BEIJІŃ. QazAqparat – Qazaqstandyq ánshi Dımash Qudaıbergen Qytaıǵa oralý týraly sheshimin Instagram-daǵy paraqshasynda málim etti, dep habarlaıdy QazAqparat.

«Dostar, álemdik shoý-bıznestegi jumysymdy jalǵastyrý úshin 2 jyldan keıin Qytaıǵa oralǵanymdy habarlaımyn. Bul kezdesýdi dúnıejúzilik karantınge baılanysty 2 jyl kútýge týra keldi.

Bir aıǵa jýyq ýaqytty oqshaýlanýda ótkizdim, osy merzim ishinde Qytaıdaǵy komandammen iske asyratyn kóptegen jospar quryp qoıdym», - dep jazdy ánshi.

Dımash sondaı-aq eger karantınge baılanysty tyıym bolmasa álemniń barlyq elindegi túrli kontsertter men televızııalyq túsirilimderge qatysatynyn aıtty.

«Iá, álemdegi karantın meniń josparlaryma áser etti. Biraq osy sátten bastap sizderdi shyǵarmashylyǵymmen odan da kóbirek qýantatyn bolamyn. Sizderdi jaqsy kóremin!», - dedi D.Qudaıbergenov.


Eske salaıyq, buǵan deıin Dımash «King Choice» reıtınginde (Azııadaǵy eń symbatty 100 jigiti) kósh bastap turǵanyn jazǵan edik. Kingchoice.me saıtynda júrgizilip jatqan daýys berý 30 qyrkúıek kúni aıaqtalady.

Sondaı-aq ol Reseıdiń Sochı qalasyndaǵy «Novaıa volna 2021» festıvalinde qobyzdyń súıemeldeýimen án aıtyp, jańa kompozıtsııalardyń tusaýyn kesti.


Joǵary qaraı