Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Dımash AQSh prezıdentin ulyqtaý aptalyǵynyń ashylý saltanatynda án shyrqady

2021 jyldyń 18 qańtar 2021 12:16

NUR-SULTAN. QazAqparat – AQSh prezıdenti Djo Baıdenniń ınagýratsııalaý aptalyǵynyń ashylýyna arnalǵan saltanatty is-shara ótti.

Onda Dımash Qudaıbergen qazaqtyń «Samaltaý» halyq ánin oryndady, dep habarlaıdy QazAqparat tilshisi dimashnews.com saıtynyń baspasóz qyzmetine silteme jasap.

Dástúr boıynsha saltanatty sharany baýyrlas qalalardyń halyqaralyq qaýymdastyǵy – Sister Cities International uıymy ótkizdi.

Koronavırýs pandemııasyna baılanysty bıyl shara onlaın-rejımde ótti.

Merekede belgili spıkerler men oryndaýshylar sóz sóıledi. Olardyń ishinde: gýbernator Bıll Anabýttı, Djozefına Bıvers, general-maıor Armando Kabada, kongressmen Eleonora Holms Norton, maıor Tım Keller, senator Bob Menendez, AQSh teńiz orkestri, Kerol Robertson Lopez jáne taǵy basqalar bar.

Dımash SCI ókilderine shaqyrǵandary úshin alǵysyn bildirdi.

Sister Cities International bas dırektory Leroı Allala óz kezeginde qazaqstandyq oryndaýshynyń shyǵarmashylyǵy adamdardy, olardyń mádenıeti men tilin biriktiretinin atap ótti. Munyń bári Prezıdent Eızenhaýerdiń elder arasynda beıbit qarym-qatynas ornatý týraly kózqarasynyń ajyramas bóligi.

Sonymen qatar Dımashtyń 20 qańtarda Sister Cities International resmı saıtynda taǵy bir án oryndaýy kórsetiletindigi jarııalandy. Bir aptaǵa sozylatyn merekelerdiń ortasynda DimashNews redaktsııasy SCI bas dırektory Lero Allalmen kezdesýge múmkindik berdi, onyń uıymy ótkizetin saltanatty is-shara týraly kóbirek bilýge múmkindik aldy.


Joǵary qaraı