Aýa raıy
Astana 15 °S
Almaty 19 °S
valıýta baǵamy
USD 412.55
EUR 468.66
RUB 5.79
CNY 58.80

Depýtattar elordanyń 7 dárihanasynan koronavırýs pen pnevmonııaǵa qarsy preparat tappady

2020 jyldyń 12 shilde 2020 23:39

NUR-SULTAN. QazAqparat – Elordada Májilis jáne máslıhat depýtattary jemqorlyqqa qarsy kúres qyzmetkerlerimen birge dárihanalardy aralap, preparattar baǵasyna monıtorıng jasady. QazAqparat bul týraly Sybaılas jemqorlyqqa qarsy is-qımyl agenttigi Nur-Sultan qalalyq departamentiniń baspasóz qyzmetine silteme jasap habarlaıdy.

Búgin quramyna Nur-Sultan qalasynyń sybaılas jemqorlyqqa qarsy qyzmet departamenti basshysynyń mindetin atqarýshy Mels Aqylbaev, departament basshysynyń birinshi orynbasary Jazıra Jylqyshıeva, Parlament Májilisiniń depýtaty Snejanna Imasheva, qalalyq máslıhattyń depýtaty Ramzııa Ómirbaeva, Densaýlyq saqtaý mınıstrligi Taýarlar men qyzmetterdiń sapasy men qaýipsizdigin baqylaý komıteti basqarmasynyń basshysy Erkebulan Baıtýbaev, «Astana - Adaldyq alańy» jobasynyń menedjerleri men arnaıy baqylaý tobynyń músheleri engen jumys toby qala dárihanalaryna monıtorıng jasady.

Jalpy áleýmettik jeliler men «Astana - Adaldyq alasy» jobasynyń telefonyna azamattardyń qymbat baǵalary týraly 30-dan astam shaǵym túsken. Jumys toby 7 dárihanaǵa: Kereı men Jánibek handar kóshesindegi «Pýls» dárihanasyna, E16 kóshesindegi «Elhan» dúkenindegi dárihanaǵa, Qonaev kóshesindegi «ORYNKUL FARM» JShS-ǵa, Ábiken kóshesindegi «D3» dárihanasyna, Júrgenov kóshesindegi «Family Farm» dárihanasyna, «Áýlıe-Ata», «OdAdoıA» jáne «Salamat» turǵyn úı keshenindegi dárihanalarǵa bardy.

Monıtorıng barysynda barlyq dárihanada koronovırýs ınfektsııasyn jáne pnevmonııany emdeýge arnalǵan azıtromıtsın, tamıflý, tseftrıakson, kleksan, paratsetamol, aspırın, ıngavırın, sýmamed, harelto sııaqty preparattardyń joqtyǵy anyqtaldy.

Abylaıhan kóshesindegi 54 «a» mekenjaıy boıynsha bir ǵana dárihanada barlyq qajetti dári-dármek bar bolǵanymen, satyp alýshylardyń aıtýynsha, uzyn-sonar kezek tańerteńnen tarqamaǵan. Sonymen qatar, azamattar ondaǵy baǵanyń shamadan tys bolýyna shaǵymdanǵan.

«Barlyq dárihanada farmatsevt-satýshylar densaýlyq saqtaý mınıstriniń dári-dármekti shekti baǵamen satý buıryǵyn bilmeıtini belgili boldy. Antıseptıkter bolmady. Satyp alýshylar arasyndaǵy qashyqtyq saqtalmaı, baǵa belgileri kórsetilmeı, lıtsenzııalary ilinbegen. Jumys nátıjeleri boıynsha Dári-dármek baǵasyn baqylaý jáne taldaý bóliminiń bastyǵy E.Baıtýbaevqa anyqtalǵan zańbuzýshylyqtardy joıý boıynsha sharalar qabyldaý mindeti júkteldi. Sonymen birge ol dárihanalardyń basshylary men jaýapty tulǵalardy Densaýlyq saqtaý mınıstrliginiń shekti baǵa týraly buıryǵymen tanystyrýǵa mindetteldi», - delingen departamenttiń habarlamasynda.

Apta basynan beri elordanyń 24 dárihanasynda monıtorıng júrgizilgen. Bul baǵyttaǵy jumystar jalǵasýda.

Elordada dárihanalardaǵy zańsyzdyqpen betpe-bet kelseńiz +7 775 160 5532 WhatsApp-nómirine habarlasýǵa bolady.


Joǵary qaraı