Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Depýtat jappaı ereýilge qatysqandardy ustaý jaıly: Asyra silteý bolyp jatqan tárizdi

2022 jyldyń 22 qańtar 2022 11:45

NUR-SULTAN. QazAqparat – QR Parlamenti Májilisiniń depýtaty Erlan Saırov jappaı ereýilge qatysyp, qamaýǵa alynǵan azamattardyń ómirine alańdatýshylyq tanytty, dep habarlaıdy QazAqparat tilshisi.

«Jan-jaqtan azamattar qańtar oqıǵalarynan keıin túzetý mekemelerine túsken kisilerge qınaý, azaptaý ádisteriniń qoldanyp jatqanyn jetkizip jatyr. Árıne, bizge shyndyqqa jetý kerek. Memlekettik tutastyǵymyzdy saqtaýdyń tetikterin jasaý óte mańyzdy. Zań men tártip sol tutqanyń biregeıi. Biraq, shyndyqqa jappaı uryp-soǵýmen, qınaýmen jetý múmkin emes. Asyra silteý bolyp jatqan tárizdi», - dep jazdy Erlan Saırov Facebook paraqshasynda.

Halyq qalaýlysynyń pikirinshe, quqyq qorǵaý oryndary kúsh kórsetý ádisin qoldanbaýy kerek.

«Onda otyrǵan kisiler bizdiń azamattar, qazaq ekendigin, «bireýge baýyr, bireýge aǵa» bolatyndyǵyn, syrtqy, ishki kúshterdiń aıdaǵyna ilesip ketýi múmkin ekendigin eskerýimiz qajet. «Adasqan jandarǵa» memleket óziniń gýmanızmin kórsetýi abzal. Árıne, qolyna qarý alyp memlekettik mekemelerge oq atqan, dúken tonaǵandar zań júzinde qatań jazasyn alýy kerek. Zań qatal, biraq ol zań. Zań men tártip - memlekettiń basty fýndamenti. Biraq, uryp-soǵý, qınaý, azamattyq quqyqty taptaýǵa jol berýge bolmaıdy. Bizge qazir keshirim, meıirim, baýyrlastyq sezimin kúsheıtetin qadamdar óte qajet», - deıdi ol.

Sondaı-aq, Májilis depýtaty atalǵan másele boıynsha quzyrly organdarǵa saýal joldaıtynyn aıtty.

Eske sala ketsek, Memleket basshysy Qasym-Jomart Toqaev mıtıngte ustalǵandar jaıly: Jaýapkershilikti aýyrlatatyn mán-jaı bolmasa jazany jeńildetken jón degen edi.

Odan bólek, Prezıdenttiń baspasóz hatshysy Berik Ýálı beıbit demonstratsııaǵa qatysýshylar qylmystyq jaýapkershilikke tartylmaýy kerektigin aıtty.


Avtor Álı Ibraev
Basty sózder: Parlament, Májilis, Oqıǵa,
Joǵary qaraı