Aýa raıy
Astana -18 °S
Almaty 1 °S
valıýta baǵamy
USD 421.58
EUR 496.83
RUB 5.53
CNY 62.20

Depýtat turmystyq zorlyq-zombylyqqa qarsy is-qımyl zań jobasynyń redaktsııasyn keri qaıtarýdy usyndy

2021 jyldyń 21 qańtar 2021 18:10

NUR-SULTAN. QazAqparat - Májilis depýtaty, Áleýmettik-mádenı damý komıtetiniń tóraǵasy Jámıla Nurmanbetova búginde el ishinde qyzý talqyǵa túsken «Otbasylyq-turmystyq zorlyq-zombylyqqa qarsy is-qımyl týraly» zań jobasy jaıynda pikir bildirdi, dep habarlaıdy QazAqparat.

Halyq qalaýlysy óz oıyn Facebook paraqshasynda jazdy.

«Qazaqstan Respýblıkasy Parlamenti Májilisiniń Áleýmettik-mádenı damý komıtetiniń jańadan saılanǵan tóraǵasy retinde osy kúnderi «Otbasylyq-turmystyq zorlyq-zombylyqqa qarsy is-qımyl týraly» Qazaqstan Respýblıkasy Zań jobasynyń negizgi erejelerin egjeı-tegjeıli jáne syndarly túrde zerttedim. BAQ-ta sarapshylar da, azamattyq qoǵam ókilderi de aıtqan pikirlerdi, sondaı-aq azamattardyń kóptegen ótinishterin taldap qaradym. Barlyq obektıvti usynystardy, pikirler men málimdemelerdi tarazylaı otyryp, atalmysh zań jobasynyń redaktsııasyn keri qaıtaryp, birlesken jumysty bastaýǵa bolady dep oılaımyn» dep jazady Jámıla Nurmanbetova.

Onyń aıtýynsha, Memleket basshysynyń jynystyq zorlyq-zombylyq, pedofılııa, esirtki taratý, adam saýdasy, áıelderge qatysty turmystyq zorlyq-zombylyq jáne jeke adamǵa, ásirese balalarǵa qatysty basqa da aýyr qylmystar úshin jazany qatańdatý qajettigi týraly tıisti tapsyrmasy bar.

«Sondaı-aq, «Nur Otan» partııasynyń saılaýaldy baǵdarlamasynda otbasy ınstıtýtyn nyǵaıtýǵa baǵyttalǵan úlken bólim bar, onda turmystyq zorlyq-zombylyqty azaıtý boıynsha qatań sharalar qabyldaý týraly aıtylǵan. Osyǵan baılanysty «Nur Otan» partııasy fraktsııasynyń pikirtalas alańynda barlyq múddeli tulǵalardy, sonyń ishinde azamattyq qoǵam ókilderi men belsendilerin, táýelsiz sarapshylardy tarta otyryp, osy áleýmettik mańyzy bar taqyryp boıynsha aldyn ala keńinen talqylaý júrgizýdi usynamyn» deıdi depýtaty.

Jámıla Nurmanbetova jan-jaqty talqylaý qorytyndysy boıynsha otbasylyq-turmystyq zorlyq-zombylyqqa qarsy is-qımyldyń pármendi tetigin quratyn zań jobasynyń jańa modelin birlesip ázirleıtinimizge senetinin jetkizdi.


Basty sózder: Qoǵam, Zań, Májilis, Parlament,
Joǵary qaraı