Aýa raıy
Astana +7 °S
Almaty +14 °S
valıýta baǵamy
USD 421.58
EUR 496.83
RUB 5.53
CNY 62.20

Depýtat kómirge qatysty: Turǵyndarǵa teris áser etetin dúrlikpe júrip jatyr

2021 jyldyń 24 qarasha 2021 12:48

NUR-SULTAN. QazAqparat – Májilistiń jalpy otyrysynda depýrat Erlan Saırov halyqqa kómir satý tizbeginde shamamen 10 - ǵa tarta býyn qalyptasqanyn aıtty, dep habarlaıdy QazAqparat tilshisi.

«Bizdiń depýtattyq saýalymyz elimizdiń birqatar óńirlerinen kelip túsken ótinishterge baılanysty týyndady, ol aımaqtarda turmystyq kómirdiń jetispeýshiliginen shıelenisti jaǵdaı qalyptasqan.

Elimizde kómirdiń júıeli jetispeýshiligi úshin obektıvti alǵysharttar bolmasa da, el azamattarynyń moraldyq-psıhologııalyq jaǵdaıyna teris áser etetin dúrlikpe júrip jatyr. Osyndaı jaǵdaı kómir óndirý boıynsha álemniń 10-eliniń qataryna enetin memlekette bolyp otyr», - dedi E. Saırov Premer-Mınıstrdiń orynbasary Roman Sklıardyń atyna joldaǵan saýalynda.

Onyń aıtýnysha, búgingi kúni halyqqa kómir satý tizbeginde shamamen 10 - ǵa tarta býyn qalyptasqan. Sonyń negizgileri: bul kómir óndirý razrezi, temir jolmen jóneltýge arnalǵan tıeý pýnktteri, temir jol arqyly tasymaldaý, temirjol tuıyqtarynda qabyldaý termınaldary, kómirdi tutynýshylarǵa jetkizetin taratý pýnktteri.

«Osy kezeńderdiń barlyǵynda árkim óz paıdasyn qymqyrýǵa tyrysady, osyǵan baılanysty baǵa qymbattaı beredi. ıAǵnı, kómir baǵasyn deldaldyq qurylymdar nusqap otyr. Kómirdi bırjalyq saýdalaýdyń erejeleri deldal-kásiporyndarǵa kómirdi úlken kólemde satyp alýǵa jáne ony birden razrezden eki-úsh ese qymbat baǵamen satýǵa múmkindik beredi dep aıtýǵa negiz bar. Satý núktelerindegi kómirdiń jetispeýshiligi kómirdi jetkizetin vagondardyń tapshylyǵyna baılanysty. Sondyqtan, kómir razrezden satý núktesine 6 kúnde emes, 16 kúnde jetkiziledi», - dedi depýtat.

Onyń sózine qaraǵanda, búginde razrezden tonnasy shamamen 7800 teńgeden satylyp jatqan kómir Almaty, Aqmola, Qyzylorda, Qostanaı, Shyǵys Qazaqstan, Soltústik Qazaqstan oblystaryndaǵy saýda núktelerinde tonnasy 25-30 myń teńgeden satylýda. Osylaısha, túpki tutynýshy úshin baǵa bastapqydan úsh-tórt ese ósedi.

«Bul - aýyldaǵy aǵaıynnyń qaltasy múldem kótermeıtin baǵa. Osy qyp-qyzyl baǵaǵa kómirdiń ózi tapshy. Qaqaǵan qysta azamattar aqshasyn tólep qoıyp, kómirdi tosýǵa májbúr. «Nur Otan» partııasy Fraktsııa músheleri azamattar úshin turmystyq kómir qoljetimdi jáne ádil baǵamen satylýy tıis dep sanaımyz», - dedi E. Saırov.

Halyqqa turmystyq kómir jetkizýdiń ótkir áleýmettik mańyzdylyǵyn eskere otyryp, kelesi qadamdar qajet:

1. Aýyldyq eldi mekenderdiń turǵyndarynyń turmystyq tutynýy úshin kómirdiń normatıvtik qoryn qalyptastyrýdy jedel qamtamasyz etý.

2. Kómirdi satý oryndaryna tasymaldaý úshin qajetti vagon sanyn bólýge basymdyq berý.

3. Kómir baǵasyn qalyptastyrýdyń ashyqtyǵyn jáne kómirdi kóterme satyp alýshylar arasyndaǵy barynsha básekelestikti qamtamasyz etý.

4. Naryq sýbektileriniń arasyndaǵy básekelestikke qarsy kelisimderdi boldyrmaý, turmystyq kómir tutynýshylarynyń túpkilikti baǵasyn qalyptastyrýǵa deldaldyq baılanystardyń áserin boldyrmaý boıynsha jumystardy júrgizý.


Avtor Rýslan Ǵabbasov
Basty sózder: Parlament, Májilis, Kómir,
Joǵary qaraı