Aýa raıy
Nýr-Sýltan +7 °S
Almaty +14 °S
valıýta baǵamy
USD 449.85
EUR 485.43
RUB 5.71
CNY 70.69

Depýtat «Qazaqstan barysyn» ótkizýge 150 mln teńge bólinetinin synǵa aldy

2022 jyldyń 13 sáýir 2022 12:38

NUR-SULTAN. QazAqparat – Nur-Sultan qalalyq máslıhatynyń depýtaty Nurdáýlet Orazhanov elimizde dástúrli túrde ótetin «Qazaqstan barysy» saıysyna bólinetin qarjynyń kóptigin aıtyp, qysqartýdy usyndy, dep habarlaıdy QazAqparat tilshisi.

«Qujatta kórsetilgen halyqaralyq týrnırlerdi ótkizýge orta eseppen 59 mln teńge qarjy bólinedi eken. «Qazaqstan barysy» saıysyn ótkizýge áldeqaıda kóp bólinedi. 150 mln teńge dep kórsetilipti. Árıne, ulttyq sportty damytýǵa eshqandaı qarsylyǵym joq. Degenmen bıýdjet qarjysyn únemdeý kerek sııaqty. Eger halyqaralyq sport sharasyn 50 mln teńgege ótkizsek, onyń qasynda respýblıkalyq shara nege qymbat?», - degen saýal joldady depýtat Nurdáýlet Orazhanov qalalyq máslıhattyń otyrysynda.

Saýalǵa jaýap bergen Nur-Sultan qalasy dene shynyqtyrý jáne sport basqarma basshysynyń orynbasary Almas Abaevtyń sózinshe sporttyq jarystar ótkizýge qarajat onyń deńgeıi men aýqymyna baılanysty bólinedi.

«Mysaly, «Álem barysy» jarysyn alsaq, atalǵan shara basqa elder úshin asa tanymal emes. ıAǵnı bul sharany nasıhattaýǵa, sportshylardy daıarlaý men shaqyrý aýqymdy qarjyny talap etedi», - dep jaýap berdi.

Depýtat óz kezeginde spıkerdiń sózin bólip, másele «Álem barysy» emes, «Qazaqstan barysyna» qatysty ekenin naqtylap ketti.

«Túsinikti. Bul máseleni qaıta qarastyramyz», - dep qysqa qaıyrdy basqarma basshysynyń orynbasary.


Joǵary qaraı