Aýa raıy
Astana -16 °S
Almaty 0 °S
valıýta baǵamy
USD 421.58
EUR 496.83
RUB 5.53
CNY 62.20

Depýtat dáriger mártebesine qatysty qujat qabyldaýdy usyndy

2020 jyldyń 2 jeltoqsan 2020 14:39

NUR-SULTAN. QazAqparat – Parlament Májilisiniń jalpy otyrysynda «Aq jol» partııasynyń depýtattary «Dáriger men medıtsına qyzmetkeriniń mártebesi týraly» zań jobasyn ázirleýdi usyndy, dep habarlaıdy QazAqparat tilshisi.

Osy oraıda depýtat Danııa Espaeva Úkimet basshysy Asqar Mamınniń atyna joldanǵan saýaldy jarııalady.

Onyń aıtýynsha koronavırýs pandemııasy densaýlyq saqtaý júıesindegi kóptegen problemalardy ashyp kórsetip, qoǵam men aq halatty jandarǵa osy máselelerdi shuǵyl túrde sheshýlerine týra keldi. Sonymen, aǵymdaǵy jyldyń 1 qazanyndaǵy jaǵdaı boıynsha óz qyzmetinde basqa adamdardy qutqarý barysynda 182 dáriger men medıtsına qyzmetkeri koronavırýstan qaıtys boldy, 13 myń aq halatty jan osy indetpen aýyrdy.

«Pandemııa kezinde Prezıdent pen Úkimet dárigerlerdiń janqııarlyǵyna qurmet kórsete otyryp, erekshe eńbek jaǵdaılary úshin yntalandyrý syıaqylaryn, sondaı-aq dárigerlerdiń ózderi juqtyrǵan jáne qaıtys bolǵan jaǵdaılar úshin tólemder engizdi. Alaıda, 20 qazannan bastap bul tólemder toqtatyldy. Aıta keteıik, «Aq jol» demokratııalyq partııasy 28 qazandaǵy depýtattyq saýalynda Covid-19-ben aýyrǵan medıtsına qyzmetkerlerine tólenetin tólemderdiń kúshin joıǵanyn synǵa alyp, olardy saqtaýdy talap etken bolatyn.

Densaýlyq saqtaý mınıstrligi óz sheshimin qoldaı otyryp, sheneýnikter dárigerlerdiń jalaqylary joǵary ekenin aıtyp, baspasózde dárigerlerdiń mıllıondaǵan kirisi týraly málimdedi. Bul jerde másele tólem mólsherinde de emes, al memlekettiń pandemııanyń jańa tolqyny qarsańynda áleýmettik mańyzy zor mamandyqqa degen qarym-qatynasynda. Qarjylyq qıyndyqtar týyndaǵan jaǵdaıda tólemderdi azaıtýǵa bolady, biraq ony qoǵam men memlekettiń aq halattaǵy jandardyń eren eńbegin baǵalaý belgisi retinde qaldyrýǵa bolady», - dedi depýtat.

Osyǵan baılanysty «Aq jol» demokratııalyq partııasynyń fraktsııasy Úkimetke shuǵyl túrde «Dáriger men medıtsına qyzmetkeriniń mártebesi týraly» zań jobasyn ázirlep, engizýdi usynady.

Sonymen qatar, ol jaqynda osyndaı usynysty senator Murat Baqtııaruly jáne basqa da áriptester jasaǵanyn atap ótti.


Joǵary qaraı