Aýa raıy
Astana 7 °S
Almaty 8 °S
valıýta baǵamy
USD 421.58
EUR 496.83
RUB 5.53
CNY 62.20

Depozıtter boıynsha qyrkúıektegi syıaqy mólsherlemesi bekitildi

2020 jyldyń 3 tamyz 2020 11:25

ALMATY. QazAqparat – Qazaqstannyń depozıtterge kepildik berý qory teńgelik depozıtter boıynsha 2020 jyldyń qyrkúıegine usynylǵan eń joǵary syıaqy mólsherlemelerin bekitti, dep habarlaıdy QazAqparat tilshisi.

«24 aıǵa arnalǵan merzimdi depozıtterdi qospaǵanda, teńgelik depozıtterdiń barlyq túrleri boıynsha mólsherlemeler tamyz aıyndaǵy deńgeıinde qaldy. Nátıjesinde qyrkúıekte merzimsiz salymdar boıynsha maksımaldy mólsherleme jylyna 9 %-dy quraıdy. Bul Ulttyq banktiń bazalyq mólsherlemesine sáıkes keledi. Aıta ketelik, bazalyq mólsherleme aqsha qunynyń ekonomıkadaǵy negizgi baǵdary bolyp tabylady»,– dep habarlady Qordyń baspasóz qyzmeti.

Tolyqtyrý quqyǵy bar, 3 jáne 6 aılyq merzimdi depozıtter boıynsha shekti mólsherlemeler –9 %, al tolyqtyrý quqyǵy joq túri boıynsha – 9,5 paıyzdy quraıdy. Dál osyndaı merzimderge shaqtalǵan jınaq depozıtterdiń tolyqtyrylatyn túri boıynsha mólsherlemeler – 10,0%, tolyqtyrylmaıtyn túri boıynsha – 10,5%.

Merzimi 12 jáne 24 aıǵa arnalǵan jınaq depozıtter boıynsha usynylǵan eń joǵary mólsherlemeler ózgerissiz qaldy. Olar boıynsha ortasha eseptelgen naryqtyq mólsherlemeler bekitilgen shekten joǵary deńgeıde qalyptasty. Sondyqtan usynylatyn eń joǵary mólsherleme retinde buǵan deıin bekitilgen shektiń máni qabyldanady, ol – 14% (bazalyq mólsherleme plıýs 5 p.t).

Qyrkúıek aıyna bekitilgen shekti mólsherlemeler arasynda jalǵyz ózgeris 24 aılyq merzimdi salymdardyń tolyqtyrylatyn jáne tolyqtyrylmaıtyn túrleri boıynsha baıqalady.

Qordyń habarlaýynsha, 24 aıdy qamtıtyn merzimdi salymdar boıynsha naryqtyq mólsherlemelerdiń tómendeýi uzaq ýaqyttan beri baıqalýda. ıAǵnı, bankterdiń jınaq depozıttermen salystyrǵanda merzimdi salymdardyń bul túrin tartymdy etýge degen qyzyǵýshylyǵy tómen.


Avtor Alma Muqanova
Basty sózder: Qoǵam, Ekonomıka,
Joǵary qaraı